ԳՀՓՄ (R&D) աշխատանքներում ներգրավված աշխատողների համար հայտագրումը բացված է

Ապրիլի 1-ից մեկնարկել  է հայտագրումը՝ գիտական հետազոտությունների և փորձարարական մշակումների (ԳՀՓՄ, R&D) աշխատանքներում ներգրավված աշխատողներին տրամադրվող արտոնությունից օտվելու համար։

Համաձայն «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքում կատարված փոփոխությունների, որով վերանայվել է գիտական հետազոտությունների և փորձարարական մշակումների (ԳՀՓՄ, R&D) աշխատանքների մասով գործող հարկային արտոնությունների շրջանակը, ԳՀՓՄ աշխատանքներում ներգրավված աշխատողների եկամտային հարկը սահմանվել է 10%։   

ՀՀ կառավարության 2025 թվականի փետրվարի 13-ի N 195-ն որոշմամբ էլ ընդունվել է «Գիտական հետազոտությունների և փորձարարական մշակումների աշխատանքները որպես այդպիսին որակող մասնագիտական հանձնաժողով ձևավորելու, հանձնաժողովի գործունեության կարգը և կազմը սահմանելու, հանձնաժողովի կողմից գիտական հետազոտությունների և փորձարարական մշակումների աշխատանքները որպես այդպիսին որակելու կարգը, գիտական հետազոտությունների և փորձարարական մշակումների չափանիշները սահմանելու մասին» կարգը, որի համաձայն՝ ԳՀՓՄ աշխատանքներն որպես այդպիսին որակելու համար դրանք միաժամանակ պետք է բավարարեն հետևյալ չափանիշներին.

 1) նորույթի չափանիշ

2) ստեղծարարության չափանիշ (ոչ բացահայտ հայեցակարգերի և հիպոթեզների վրա հիմնված լինելը)

 3) վերջնարդյունքների անորոշության չափանիշ

ա. արդյունքի անորոշությանը, բ. ռեսուրսների անորոշությանը,

4) համակարգվածության չափանիշ (բովանդակային ծրագրումը և ֆինանսական նախահաշվարկը)

ա. նպատակները, բ. մեթոդաբանությունը, գ. ռեսուրսները

 5) փոխանցելիության կամ վերարտադրելիության չափանիշ ա. փոխադրել, բ. վերարտադրել: Վերոնշյալ չափանիշներին բավարարելու դեպքում ներկայացված հայտերը կարգով հաստատված մասնագիտական հանձնաժողովի եզրակացության հիման վրա կորակվեն որպես ԳՀՓՄ աշխատանքներ ​

Հայտերն ընդունվում են ապրիլի 1-ից 30-ը հետևյալ հղումով՝ https://private.hesc.am/: