ՀԱՅՏԱՐԱՐՈՒԹՅՈՒՆ
Ֆինանսատնտեսագիտական վարչության փորձագետ
Հիմնական գործառույթների համառոտ նկարագիրը`
Նախարարարության կանոնադրական խնդիրներից բխող կոնկրետ հանձնարարականների իրականացման դեպքով՝
Ֆինանսատնտեսագիտական վարչության գործառույթներից է պետական մասնակցությամբ բաժնետիրական ընկերությունների ֆինանսական կառավարումը, որը բարդ գործընթաց է և ներառում է մի շարք ռազմավարական և գործառնական խնդիրներ՝ ուղղված ընկերության ֆինանսական կայունության և արդյունավետության ապահովմանը: Նախարարության համակարգում ներկայումս գործունեություն են ծավալում 50 տոկոս և ավելի պետական մասնակցությամբ 12 առևտրային կազմակերպություններ և 2 ՊՈԱԿ: Աշխատանքների արդյունավետության բարձրացման նպատակով նախարարության կողմից խստացվել են հաշվետվողականության մեխանիզմները՝ ամսական եռամսյակային և տարեկան կտրվածքով, ինչը բերել է աշխատանքների ծավալների ավելացման: Միջանկյալ հաշվետվությունների ընդունման, ուսումնասիրության և համեմատական ցուցանիշների վերլուծության ծավալները ևս ընդլայնվել են:
Որպես հիմնական խնդիրներ առանձնացվում են՝
- Ֆինանսական կայունություն
Պետական մասնակցությամբ ընկերությունները պետք է ապահովեն եկամուտների ու ծախսերի հավասարակշռությունը՝ պահպանելով ֆինանսական կայունությունը:
- Արդյունավետության բարձրացում
Նպատակն է նվազեցնել ծախսերը և բարձրացնել շահութաբերությունը՝ պահպանելով որակական չափանիշները:
- Պետական շահերի պաշտպանություն
Պետությունը, որպես բաժնետեր, պետք է ապահովի, որ ընկերության գործունեությունը համապատասխանի պետական շահերին և պետության ռազմավարական նպատակներին:
Հիմնական գործիքներն են՝
- Բյուջետային պլանավորում
Կազմվում է ընկերության ծախսերի և եկամուտների նախահաշիվների կազմում, կանխատեսումների իրականացում
- Վերահսկողություն
Կիրառվում են ֆինանսական վերահսկողության մեխանիզմներ՝ կոռուպցիոն ռիսկերի նվազեցման և թափանցիկության ապահովման համար:
- Հաշվետվողականություն
Ֆինանսական հաշվետվությունների ներկայացում:
Նշված թափուր պաշտոնը զբաղեցնելու համար պահանջվում է`
- Հայաստանի Հանրապետության քաղաքացիություն,
- «Տնտեսագիտություն» կամ «Հաշվապահական հաշվառում և աուդիտ» մասնագիտությամբ բարձրագույն կրթություն,
- հայերենի, ռուսերենի կամ անգլերենի ազատ տիրապետում,
- իր լիազորությունների հետ կապված անհրաժեշտ իրավական ակտերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն,
- անհրաժեշտ տեղեկատվության տիրապետում,
- համակարգչով և ժամանակակից այլ տեխնիկական միջոցներով աշխատելու ունակություն:
Փորձագետի պաշտոնը զբաղեցնելու ժամկետը սահմանվում է մինչև 03.02.2026թ․
Դիմումների ընդունման վերջին ժամկետն է` 30.01.2025թ.:
Փորձագետների ընտրությունը կատարվում է փաստաթղթային եղանակով:
Աշխատանքի վայրը՝ ք. Երևան, Վազգեն Սարգսյան 3/3, հեռ.59-01-17,
էլ. փոստ՝
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում Նախարարության գլխավոր քարտուղարի անունով.
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
- անձնագրի կամ նույնականացման քարտի պատճենը
- մեկ լուսանկար 3+4 սմ չափսի:
ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:
Դիմումի ձևը կցվում է: