ՀԱՅՏԱՐԱՐՈՒԹՅՈՒՆ
Բարձր տեխնոլոգիաների վարչության փորձագետ
ՀՀ բարձր տեխնոլոգիական արդյունաբերության նախարարության (այսուհետ՝ Նախարարություն) բարձր տեխնոլոգիաների վարչությունը (այսուհետ՝ վարչություն) հիմնական մասնագիտական կառուցվածքային ստորաբաժանումն է, որն իր մեջ ընդգրկում է էկոհամակարգի զարգացման և նորարարության խթանման բաժինները և որն իր իրավասությունների սահմաններում ապահովում է նախարարությանը օրենքով և այլ իրավական ակտերով նախատեսված խնդիրների և գործառույնթների իրականացումը: Վարչությունը նախարարության առջև դրված խնդիրների և նպատակների իրականացման համար, իր իրավասությունների սահմաններում իրականացնում է հետևյալ գործառույթները.
- Բարձր տեխնոլոգիական ոլորտում միջազգային և տարածաշրջանային համագործակցության ծրագրերի առաջարկների ներկայացում և համակարգում,
- Տարբեր ուղղություններով արդյունաբերական տեխնոլոգիաների կարիքների վերհանման և խորհրդակցությունների տրամադրման գործընթացի կազմակերպման վերաբերյալ առաջարկություններ,
- Ներկայացնում է բարձր տեխնոլոգիական ոլորտի միջազգային հեղինակության ունեցող վերազգային ընկերությունների Հայաստան ներգրավման աշխատանքների վերաբերյալ առաջարկություններ,
- Ներկայացնում է բարձր տեխնոլոգիական ոլորտում էկոհամակարգի զարգացմանն ուղղված ծրագրերի իրականացման արդյունքների և ազդեցության, մոնիթորինգի և գնահատման վերաբերյալ առաջարկություններ,
- Ներկայացնում է վերազգային ընկերությունների ներգրավման նպատակով միջազգային վարկատու կազմակերպությունների ֆինանսավորմանը հավակնող ծրագրերի ընտրության վերաբերյալ առաջարկություններ,
- Ներկայացնում է բարձր տեխնոլոգիական ոլորտը կարգավորող իրավական ակտերի, նորմատիվ տեխնիկական ակտերի և ստանդարտների բարեփոխման, արդյունավետության բարձրացմանն ուղղված աշխատանքների վերաբերյալ առաջարկություններ,
- Միջազգային գործընկերների հետ նոր ծրագրերի համատեղ մշակման, ներդրման և մոնիթորինգի ապահովում,
- Թվայնացման, ՏՏ-ի և ինովացիաների ոլորտում միջազգային լավագույն փորձի վերլուծություն և ներդրում,
- Տեխնոլոգիական ոլորտում ՀՀ դիրքի ամրապնդմանն ուղղված միջոցառումների նախաձեռնում,
- Միջազգային կազմակերպությունների, դոնորների և զարգացման գործընկերների հետ համագործակցության խորացում,
- Սփյուռքի ներուժի և արտաքին ներկայացուցչական կառույցների ներգրավման խթանում։
Վարչությունը նպաստում է ՀՀ տեխնոլոգիական էկոհամակարգի զարգացմամբ՝ բարձրացնելով միջազգային տեսանելիությունը և համաշխարհային տեխնոլոգիական գործընթացներում ներգրավվածությունը։
Հետևաբար վերոնշյալ գործառույթները իրականացնելու համար անհրաժեշտություն է առաջացել ներգրավելու փորձագետ, ով իր մասնագիտական բարձր որակավորմամբ կաջակցի և լուծումներ կառաջարկի ցանկացած խնդիրների համար, իսկ առաջացման դեպքում՝ արագ արձագանքման, լուծումների և առաջարկությունների արդյունքում կձևավորի լրացուցիչ առավել արդյունավետ և հստակ մեխանիզմներ։
Որպես հիմնական և անհրաժեշտ արդյունք ակնկալվում է փորձագետի կողմից հետևյալ գործառույթների իրականացում՝
1. Բարձր տեխնոլոգիաների ոլորտի զարգացման ռազմավարական ծրագրի մշակման շրջանակում՝
- աջակցել Նախարարության կողմից ռազմավարական ծրագրի տեսլականի և նպատակների հնարավորինս թիրախային ու արդյունավետ ձևակերպմանը,
- համակարգել Նախարարության և ռազմավարական ծրագիրը մշակող թիմի (մրցույթում հաղթող ճանաչված կոնսորցիումի) միջև աշխատանքները,
- հավաքագրել անհրաժեշտ տվյալները,
- պահպանել պատշաճ հաղորդակցություն բարձր տեխնոլոգիաների ոլորտի ասոցիացիաների և միությունների հետ ռազմավարական ծրագրի հետ կապված հարցերում,
- իրականացնել ծրագրի պատշաճ իրագործմանը նպաստող այլ աշխատանքներ:
2. «Բարձր տեխնոլոգիաների ոլորտի պետական աջակցության մասին օրենք» (այսուհետ՝ Օրենք) օրենքից բխող իրավական ակտերի մշակմանն ուղղված աշխատանքների իրականացում,
- Օրենքից բխող գիտական հետազոտությունների և փորձարարական մշակումների աշխատանքները որպես այդպիսին որակող մասնագիտական հանձնաժողովի և ենթահանձնաժողովների հետ աշխատանքների կազմակերպումը,
-Օրենքի շրջանակում վիճակագրական վերլուծությունների և հետազոտությունների իրականացումը, - Համապատասխան ոլորտային ուսումնասիրությունների, այդ թվում՝ միջազգային փորձի ուսումնասիրությունների իրականացումը:
Նշված թափուր պաշտոնը զբաղեցնելու համար պահանջվում է`
- Հայաստանի Հանրապետության քաղաքացիություն,
- հայերենի, ռուսերենի կամ անգլերենի գերազանց տիրապետում,
- իր լիազորությունների հետ կապված անհրաժեշտ իրավական ակտերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն,
- անհրաժեշտ տեղեկատվության տիրապետում,
- համակարգչով և ժամանակակից այլ տեխնիկական միջոցներով աշխատելու ունակություն,
- Տվյալների մշակման և վերլուծության ունակություն:
Փորձագետը պարտավոր է՝
- Բարեխղճորեն կատարել պայմանագրով ստանձնած աշխատանքները:
- Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:
- Պահպանել աշխատանքի պաշտպանության և անվտանգության ապահովման միջոցները:
- Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:
Փորձագետի պաշտոնը զբաղեցնելու ժամկետը սահմանվում է 2026 թվականի մարտի 20-ը:
Դիմումների ընդունման վերջին ժամկետն է` 27.03.2025թ.:
Փորձագետների ընտրությունը կատարվում է փաստաթղթային եղանակով:
Աշխատանքի վայրը՝ ք. Երևան, Վազգեն Սարգսյան 3/3, հեռ.010 590117,
էլ. փոստ՝
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում Նախարարության գլխավոր քարտուղարի անունով.
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի/ների/, վկայականի/ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ/ համապատասխան մարմնից/ներից) պատճենները.
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
- անձնագրի կամ նույնականացման քարտի պատճենը
- մեկ լուսանկար 3X4 սմ չափսի:
ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:
Դիմումի ձևը կցվում է: