Նկարագիր

Plug and Play-ը միջազգային հեղինակավոր նորարարական հարթակ և ստարտափ աքսելերատոր է, որը ներկայացված է աշխարհի ավելի քան 50 երկրում։ 

2025 թվականին Plug and Play-ը Հայաստանում հիմնադրել է տեղական մասնաճյուղ՝ Plug and Play Armenia-ն, և Հայաստանի Հանրապետության բարձր տեխնոլոգիական արդյունաբերության նախարարության հետ եռամյա համագործակցության շրջանակում իրականացնում է տարեկան երկու ծրագիր։ Ծրագրերը տևում են 3-4 ամիս և անցկացվում են անցանց (in-person) ձևաչափով։

Plug and Play Armenia-ն իրականացնում է երեք հիմնական ծրագիր՝ ինկուբացիա, նախաաքսելերացիա և աքսելերացիա, որոնք նախատեսված են ստարտափների զարգացման տարբեր փուլերի համար և նպաստում են գաղափարից մինչև ներդրումային պատրաստվածություն և միջազգային շուկաներ ընդլայնվելու գործընթացի արագացմանը։

Ծրագրի շրջանակում մասնակից ստարտափները ստանում են.

• ռազմավարական մենթորություն և փորձագիտական խորհրդատվություն,
• կրթական և գործնական դասընթացներ,
• համատեղ աշխատանքային տարածքների հասանելիություն,
• կապեր միջազգային գործընկերների, հաճախորդների և ներդրողների հետ,
• Plug and Play-ի գլոբալ ցանցի ռեսուրսներին հասանելիություն,
• ներդրումային պատրաստվածության և բիզնես զարգացման աջակցություն։

Ծրագրի նպատակը

Ծրագրի նպատակն է աջակցել Հայաստանի ամենախոստումնալից տեխնոլոգիական ստարտափների զարգացմանն ու մասշտաբավորմանը՝ տրամադրելով նպատակային աջակցություն ձեռնարկատիրական զարգացման բոլոր փուլերում, ինչպես նաև ապահովելով հասանելիություն միջազգային փորձին, գործընկերային և ներդրումային ցանցերին։

Թիրախային խումբը

Ծրագիրը նախատեսված է տեխնոլոգիական ուղղվածությամբ ստարտափների համար՝ անկախ զարգացման փուլից.

• Ինկուբացիոն ծրագիր՝ վաղ փուլում գտնվող ստարտափների համար, որոնք դեռևս մշակում և վավերացնում են իրենց գաղափարներն ու բիզնես մոդելները,
• Նախաաքսելերացիոն ծրագիր՝ ստարտափների համար, որոնք արդեն ունեն նախնական արդյունքներ և ձգտում են ձևավորել մասշտաբավորվող բիզնես,
• Աքսելերացիոն ծրագիր՝ բարձր ներուժ ունեցող ստարտափների համար, որոնք պատրաստ են արագ աճի, ներդրումների ներգրավման և միջազգային շուկաներ մուտք գործելուն։

Մասնակցության չափորոշիչները

Մասնակցության չափորոշիչները սահմանվում են յուրաքանչյուր ծրագրի համար առանձին և կախված են ստարտափի զարգացման փուլից, թիմի պատրաստվածությունից, տեխնոլոգիական լուծման նորարարական բնույթից, շուկայական ներուժից և աճի հնարավորություններից։

Դիմելու կարգը

Ծրագրերին մասնակցության համար հայտերի ընդունման մասին հայտարարությունները հրապարակվում են Հայաստանի Հանրապետության բարձր տեխնոլոգիական արդյունաբերության նախարարության և Plug and Play Armenia-ի պաշտոնական տեղեկատվական հարթակներում։ Դիմորդները ներկայացնում են առցանց հայտ՝ ծրագրի պահանջներին և չափորոշիչներին համապատասխան։

Լրացուցիչ տեղեկատվութուն

Plug and Play Armenia-ն և Հայաստանի Հանրապետության բարձր տեխնոլոգիական արդյունաբերության նախարարությունը համատեղ աշխատում են Հայաստանի նորարարական էկոհամակարգի զարգացման ուղղությամբ՝ հիմնադիրներին տրամադրելով համաշխարհային մակարդակի աջակցություն և հնարավորություն ընձեռելով հայկական ստարտափներին մրցունակ լինելու գլոբալ շուկայում։

Plug and Play Armenia-ի և ծրագրերի վերաբերյալ հավելյալ տեղեկատվության համար այցելեք պաշտոնական կայքէջը։

Կոնտակտային տվյալներ