Բարձր տեխնոլոգիական արդյունաբերության նախարարություն
Գևորգ Մանթաշյանը մասնակցել է «Հայաստանի կապիտալի շուկաները. ապագայի հեռանկարներ» խորագրով համաժողովին
ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը մարտի 5-ին մասնակցել է «Հայաստանի կապիտալի շուկաները. ապագայի հեռանկարներ» խորագրով ներդրումային և ֆինանսական համաժողովին։
Համաժողովի շրջանակներում Գևորգ Մանթաշյանը մասնակցել է «Թվայնացումը՝ որպես ֆինանսական ոլորտի զարգացման առանցքային գործոն» պանելային քննարկմանը, որի շրջանակներում անդրադարձ է կատարվել Հայաստանի ֆինանսական շուկաներում նորարարական տեխնոլոգիաների և Ֆինտեխ արդյունաբերության զարգացմանը վերաբերող թեմաներին։
Միջոցառմանը մասնակցել են պետական գերատեսչությունների, ՀՀ կենտրոնական բանկի, հայկական և միջազգային խոշոր ընկերությունների և ներդրումային հիմնադրամների ներկայացուցիչներ:
Համաժողովի նպատակն էր քննարկումների յուրահատուկ հարթակ ստեղծել այնպիսի թիրախային խմբերի միջև, ինչպիսիք են՝ պետական մարմինները, բիզնեսի ներկայացուցիչները, ֆինանսական ոլորտը և լայն հանրությունը։
Համաժողովը կազմակերպել էր Freedom Broker Armenia-ն՝ ՀՀ էկոնոմիկայի նախարարության հետ համատեղ։
