ՀՀ ԲՏԱՆ-ը հայտարարում է «Կարողությունների զարգացում» բաղադրիչով դրամաշնորհային մրցույթ

ՀՀ բարձր տեխնոլոգիական արդյունաբերության նախարարությունը մեկնարկում է տեխնոլոգիական ընկերությունների կադրային համալրմանն ու վերապատրաստմանն ուղղված  «Կարողությունների զարգացում» ծրագիրը:

Նախարարությունը «Մասնագետների պատրաստման բուհ-մասնավոր հատված համագործակցություն» ծրագրի շրջանակում հայտարարում է տեխնոլոգիական ընկերությունների կադրային համալրմանն ու վերապատրաստմանն ուղղված «Կարողությունների զարգացում» բաղադրիչի դրամաշնորհային մրցույթ:

Բաղադրիչի իրականացման նպատակով կբացվի վաուչերային ֆոնդ, որի բյուջեն կկազմի 80 միլիոն ՀՀ դրամ: Ինժեներական և ՏՏ ընկերությունները կադրային համալրման նպատակով իրենց կարիքներին համապատասխան մասնագետներ պատրաստելու կամ վերապատրաստելու համար դիմումներ պետք է ներկայացնեն  ԲՏԱ նախարարություն:

Վաուչերային ֆոնդից յուրաքանչյուր ծրագրին տրամադրվող գումարը կազմելու է կազմակերպություններից ստացված դիմումով ներկայացվող գնի 75 տոկոսը, բայց ոչ ավել քան 2 միլիոն ՀՀ դրամը:

Ֆինանսավորվելու են բացառապես կադրային պատրաստման/վերապատրաստման նախագծերը:

Մրցույթին մասնակցության հայտերն անհրաժեշտ է ներկայացնել էլեկտրոնային ձևով` armeps (www.armeps.am ) համակարգի միջոցով (համակարգից օգտվելու ուղեցույց)  հետևյալ հղումով :

Հայտերն ընդունվում են մինչև 2024 թվականի օգոստոսի 16-ը՝ ժամը 16:00-ն:

Մրցույթի անցկացման կարգը, հայտ կազմելու և ներկայացնելու պայմանները՝  հետևյալ  հղումով:

Հավելյալ տեղեկությունների համար կարող եք զանգահարել +37410590075, +37410590040, հեռախոսահամարներով: