Միջազգային համագործակցության վարչության փորձագետ

ՀԱՅՏԱՐԱՐՈՒԹՅՈՒՆ

 Միջազգային համագործակցության վարչության փորձագետ

Հիմնական գործառույթների համառոտ նկարագիրը`

ՀՀ կառավարության 2021-2026 թվականների գործունեության միջոցառումների  ծրագրով ՀՀ բարձր տեխնոլոգիական արդյունաբերության նախարարությանն է  վերապահված Հայաստանի Հանրապետությունում առկա տեխնոլոգիական կենտրոնների, տեխնոպարկերի, աքսելերատորների և ինկուբատորների կարողությունների բարելավումն, ինչպես նաև տարածքային համաչափ զարգացման նպատակով Հայաստանի Հանրապետության մարզերում նոր կենտրոնների հիմնումը՝  միջազգային  համագործակցության հիման վրա /այսուհետ՝ Միջոցառում/:

Միջոցառման կատարումն ապահովելու համար Նախարարության գործունեության շրջանակներում անհրաժեշտ է իրականացնել որոշակի ծրագրեր, որոնցից բխող աշխատանքներն են.

1. ՀՀ բարձր տեխնոլոգիաների ոլորտի միջազգային կազմակերպությունների հետ համագործակցության աշխատանքների իրականացում, այդ թվում Համաշխարհային բանկի «Առևտրի խթանման և որակի ենթակառուցվածք» (TPQI 8390) վարկային ծրագրի «Ինժեներական քաղաք» ներդրումային ծրագրի հետագա իրականացումն ու աշխատանքների անընդհատությունն ապահովելու նպատակով՝ նախարարությանը վերապահված գործունեության շրջանակում աշխատանքային խմբի համակարգում:

2.  Միջոցառման կատարմամբ պայմանավորված հետազոտությունների մշակում և իրականացում, ինչպես նաև միջկառավարական հանձնաժողովների և երկկողմ համագործակցության շրջանակներում անհրաժեշտ փաստաթղթերի մշակում և աջակցություն, դրանցով սահմանված գործառույթների իրականացման շրջանակում աջակցություն:

   Նշված թափուր պաշտոնը զբաղեցնելու համար պահանջվում է`

   . Հայաստանի Հանրապետության քաղաքացիություն․

   . Բարձրագույն կրթություն․

   .Հայերենի, ռուսերենի կամ անգլերենի գերազանց տիրապետում․

.Իր լիազորությունների հետ կապված անհրաժեշտ աշխատանքային ընթացակարգերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն.

. Տեխնիկական թարգմանությունների փորձ, ծրագրերի մշակման փորձառություն,  միջազգային չափանիշներիին համապատասխան հաշվետվությունների կազմում

.  Անհրաժեշտ տեղեկատվության տիրապետում ․               

. Համակարգչով և ժամանակակից այլ տեխնիկական միջոցներով աշխատելու ունակություն:         

Փորձագետը պարտավոր է՝

• Բարեխղճորեն կատարել պայմանագրով ստանձնած աշխատանքները:
• Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:
• Պահպանել աշխատանքի պաշտպանության և անվտանգության ապահովման միջոցները:
• Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

Փորձագետի պաշտոնը զբաղեցնելու ժամկետը սահմանվում է մինչև 2025 թվականի հունիսի 10-ը:

Դիմումների ընդունման վերջին ժամկետն է` 29.11.2024թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ.59-01-17,

էլ. փոստ՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

• դիմում Նախարարության գլխավոր քարտուղարի անունով.
• տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
• արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
• անձնագրի կամ նույնականացման քարտի պատճենը
• մեկ լուսանկար 3X4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

 Դիմումի ձևը կցվում է: