ՀՀ բարձր տեխնոլոգիական արդյունաբերության նախարարության ռազմարդյունաբերության կոմիտեի արտադրության, նորոգման և օգտահանման կազմակերպման վարչության փորձագետ ներգրավելու համար հայտարարություն

ՀԱՅՏԱՐԱՐՈՒԹՅՈՒՆ

ՀՀ բարձր տեխնոլոգիական արդյունաբերության նախարարության ռազմարդյունաբերության կոմիտեի արտադրության, նորոգման և օգտահանման կազմակերպման վարչության փորձագետի

    Հայաստանի Հանրապետության բարձր տեխնոլոգիական արդյունաբերության նախարարության ռազմարդյունաբերության կոմիտեի (այսուհետև՝ Կոմիտե) արտադրության, նորոգման և օգտահանման կազմակերպման վարչությունը (այսուհետև՝ Վարչություն) իր առջև դրված խնդիրների և նպատակների իրագործման համար իր իրավասությունների սահմաններում իրականացնում է հետևյալ գործառույթները`

1) Մասնակցում է Հայաստանի Հանրապետության ռազմարդյունաբերության և ռազմատեխնիկական պետական քաղաքականության կենսագործման համար նորմատիվ-իրավական և նորմատիվ-տեխնիկական ակտերի ու փաստաթղթերի նախագծերի մշակմանը,

2) մշակում ու ապահովում է սպառազինության և ռազմական տեխնիկայի արտադրության ու նորոգման համար արտադրական հզորությունների ստեղծմանն ուղղված պետական ներդրումների ներգրավման միջոցառումներն ու իրականացման աշխատանքները,

3) մշակում է սպառազինության, ռազմական տեխնիկայի և ռազմատեխնիկական միջոցների պետական պատվերի (ներհանրապետական գնումներ, նորոգման, արդիականացման աշխատանքներ) ու դրա ձևավորման կարգի նախագծերը,

4) մասնակցում է նոր ստեղծված, արդիականացված և նորոգված սպառազինության, ռազմական տեխնիկայի և ռազմատեխնիկական միջոցների փորձարկումների, այդ թվում նաև զորավարժարաններում, կազմակերպման աշխատանքներին։

Հայաստանի Հանրապետության բարձր տեխնոլոգիական արդյունաբերության նախարարության կանոնադրական խնդիրներից բխող կոնկրետ հանձնարարականների իրականացման դեպքով՝ անհրաժեշտություն է առաջացել Կոմիտեի արտադրության, նորոգման և օգտահանման կազմակերպման վարչությունում ներգրավել փորձագետ.

       Հիմնական գործառույթների համառոտ նկարագիրը.

1) Կատարում է Կոմիտեի նախագահի և Վարչության պետի կողմից տրված առաջադրանքները,                                                         

2) իրականացնում է Կոմիտեի և Վարչության գործառույթներից բխող այլ աշխատանքներ,                                                                                   

3) նախապատրաստում է Կոմիտեի և Վարչության առջև դրված գործառույթներից և խնդիրներից բխող փաստաթղթեր, ինչպես նաև մասնակցում է դրանց վերաբերյալ օրենսդրական և ենթաօրենսդրական ակտերի, մեթոդական պարզաբանումների ու ուղեցույցների մշակման աշխատանքներին,

4) Կոմիտեի նախագահի և Վարչության պետի հանձնարարությամբ մասնակցում է Հայաստանի Հանրապետությունում և օտարերկրյա պետություններում կազմակերպվող և Վարչության գործառույթներին առնչվող քննարկումներին, խորհրդակցություններին և այլ միջոցառումներին,

5) մասնակցել և իրականացնել Հայաստանի Հանրապետության ռազմարդյունաբերության և ռազմատեխնիկական պետական քաղաքականության կենսագործման համար նորմատիվ-իրավական և նորմատիվ-տեխնիկական ակտերի ու փաստաթղթերի նախագծերի մշակման աշխատանքներին,

6) մասնակցել սպառազինության և ռազմական տեխնիկայի արտադրության ու նորոգման համար արտադրական հզորությունների ստեղծմանն ուղղված պետական ներդրումների ներգրավման միջոցառումներին ու իրականացման աշխատանքներին,

7) մասնակցել սպառազինության, ռազմական տեխնիկայի և ռազմատեխնիկական միջոցների պետական պատվերի (ներհանրապետական գնումներ, նորոգման, արդիականացման աշխատանքներ) ու դրա ձևավորման կարգի նախագծերի մշակման աշխատանքներին,

8) մասնակցել նոր ստեղծված, արդիականացված և նորոգված սպառազինության, ռազմական տեխնիկայի և ռազմատեխնիկական միջոցների փորձարկումների կազմակերպմանը,

9) մասնակցել նախարարության կառավարմանը վերապահված պետական բաժնեմաս ունեցող՝ ՌԱՀ-ի ամփոփ ցուցակում ընդգրկված ընկերությունների կառավարման աշխատանքներին,

10) այլ ընթացիկ աշխատանքների և հանձնարարականների կազմակերպում և կատարում:

Նշված թափուր պաշտոնը զբաղեցնելու համար պահանջվում է`

• Հայաստանի Հանրապետության քաղաքացիություն,
• բարձրագույն կրթություն
• հայերեն և ռուսերեն լեզուների ազատ տիրապետում,
• իր լիազորությունների հետ կապված անհրաժեշտ իրավական ակտերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն,
• անհրաժեշտ տեղեկատվության տիրապետում,
• հաշվետվությունների կազմման և վերլուծությունների կատարման փորձ,
• համակարգչով և ժամանակակից այլ տեխնիկական միջոցներով աշխատելու ունակություն:

Փորձագետը պարտավոր է՝

• Բարեխղճորեն կատարել պայմանագրով ստանձնած աշխատանքները:
• Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:
• Պահպանել աշխատանքի պաշտպանության և անվտանգության ապահովման միջոցները:
• Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

Փորձագետի պաշտոնը զբաղեցնելու ժամկետը սահմանվում է մինչև 2026 թվականի հուլիսի  8-ը ներառյալ:

Դիմումների ընդունման վերջին ժամկետն է` 08.07.2025թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ.՝ 010590045,

էլ. փոստ՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

• դիմում Նախարարության գլխավոր քարտուղարի անունով.
• տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
• արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
• անձնագրի կամ նույնականացման քարտի պատճենը
• մեկ լուսանկար 3x4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

 Դիմումի ձևը կցվում է: