ՀԱՅՏԱՐԱՐՈՒԹՅՈՒՆ

Ֆինանսատնտեսագիտական վարչության փորձագետ

Հիմնական գործառույթների համառոտ նկարագիրը`

ՀՀ բարձր տեխնոլոգիական արդյունաբերության և արհեստական բանականության նախարարության (այսուհետ՝ Նախարարություն) ֆինանսատնտեսագիտական վարչությունը (այսուհետ՝ վարչություն) աջակցող մասնագիտական կառուցվածքային ստորաբաժանումն է, 

Վարչությունն իր իրավասությունների սահմաններում իրականացնում է ֆինանսատնտեսագիտական, բյուջետային, հաշվապահական հաշվառման, ինչպես նաև Նախարարության կառավարմանը հանձնված պետական մասնակցությամբ առևտրային կազմակերպությունների գործունեության ֆինանսատնտեսական համակարգման և մոնիթորինգի աշխատանքներ։

Նախարարության կառավարմանը հանձնված փակ բաժնետիրական ընկերությունների (այսուհետ՝ Ընկերություններ) գործունեության համակարգման, հաշվետվողականության միասնական մեխանիզմների կիրառման, ֆինանսատնտեսական ցուցանիշների վերլուծության և պետական շահերի պաշտպանությանն ուղղված աշխատանքների պատշաճ ու ժամանակին իրականացումն ապահովելու նպատակով անհրաժեշտություն է առաջացել ներգրավելու համապատասխան մասնագիտական գիտելիքներ և փորձ ունեցող փորձագետի։

Փորձագետի աշխատանքի հիմնական նպատակը Ընկերությունների գործունեության համակարգմանն աջակցելն է՝ ապահովելով ներկայացվող տեղեկատվության ամբողջականությունը, ֆինանսատնտեսական ցուցանիշների համադրելիությունը, կառավարչական որոշումների համար անհրաժեշտ վերլուծությունների պատրաստումը և հանձնարարականների կատարման ընթացքի մոնիթորինգը։

   Նշված թափուր պաշտոնը զբաղեցնելու համար պահանջվում է`

• Հայաստանի Հանրապետության քաղաքացիություն,
• Հայերենի, ռուսերենի կամ անգլերենի գերազանց տիրապետում,
• իր լիազորությունների հետ կապված անհրաժեշտ իրավական ակտերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն,
• անհրաժեշտ տեղեկատվության տիրապետում,                
• համակարգչով և ժամանակակից այլ տեխնիկական միջոցներով աշխատելու ունակություն,        
• հաղորդակցության հմտությունների տիրապետում:

 Փորձագետը պարտավոր է՝

• Բարեխղճորեն կատարել պայմանագրով ստանձնած աշխատանքները:
• Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:
• Պահպանել աշխատանքի պաշտպանության և անվտանգության ապահովման միջոցները:
• Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

Փորձագետի պաշտոնը զբաղեցնելու ժամկետը սահմանվում է մինչև 2027 թվականի սեպտեմբերի 30-ը ներառյալ:

Դիմումների ընդունման վերջին ժամկետն է` 02.10.2026թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ. 010590049,

էլ. փոստ՝ Hr.mrcuyt@hti.am  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

• դիմում Նախարարության գլխավոր քարտուղարի անունով.
• տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
• արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
• անձնագրի կամ նույնականացման քարտի պատճենը
• մեկ լուսանկար 3X4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

Դիմումի ձևը կցվում է: