ՀԱՅՏԱՐԱՐՈՒԹՅՈՒՆ

Հասարակայնության հետ կապերի բաժնի փորձագետ

Հիմնական գործառույթների համառոտ նկարագիրը

ՀՀ բարձր տեխնոլոգիական արդյունաբերության և արհեստական բանականության նախարարության (այսուհետ՝ Նախարարություն) Հասարակայնության հետ կապերի բաժինն իրականացնում է Նախարարության և նախարարի գործունեության հանրային լուսաբանման, տեղեկատվական նյութերի պատրաստման և տարածման, լրատվամիջոցների հետ համագործակցության, պաշտոնական հաղորդակցման հարթակների վարման, ինչպես նաև հանրային իրազեկման ապահովման աշխատանքներ։

Վերոնշյալ աշխատանքների արդյունավետության բարձրացման նպատակով, ինչպես նաև նշված ուղղություններով իրականացվող ծրագրերի պատշաճ համակարգման և զարգացման ապահովման համար առաջացել է Հասարակայնության հետ կապերի և ռազմավարական հաղորդակցության ոլորտում փորձագետ ներգրավելու անհրաժեշտություն, ով իր մասնագիտական բարձր որակավորման և փորձի շնորհիվ աջակցություն կցուցաբերի Հասարակայնության հետ կապերի բաժնի գործառույթների իրականացմանը։

Որպես հիմնական և անհրաժեշտ արդյունք ակնկալվում է փորձագետի կողմից հետևյալ գործառույթների իրականացում՝

 1. Նախարարության և նախարարի հանրային հաղորդակցության գործող մոտեցումների ուսումնասիրություն, հաղորդակցական առաջնահերթությունների հստակեցման և հանրային դիրքի ամրապնդման վերաբերյալ առաջարկությունների մշակում։

2. Նախարարության և նախարարի հանրային դիրքի բարելավմանն ուղղված հաղորդակցության ռազմավարական ուղղությունների և հիմնական ուղերձների մշակմանն աջակցություն։

3. Նախարարության և նախարարի գործունեության, ոլորտային քաղաքականությունների, իրականացվող ծրագրերի ու նախաձեռնությունների հանրային ներկայացման արդյունավետության բարձրացմանն ուղղված առաջարկությունների մշակում։

4. Հաղորդակցական պլանավորման, բովանդակության ընտրության և հրապարակումների առաջնահերթությունների սահմանման միասնական մոտեցումների մշակմանն աջակցություն՝ հաշվի առնելով հաղորդակցման տարբեր հարթակների առանձնահատկություններն ու թիրախային լսարանները։

5. Հաղորդակցության արդյունավետության գնահատման չափանիշների և արդյունքների մշտադիտարկման մեխանիզմների մշակման, ինչպես նաև հանրային տեսանելիության բարձրացմանն ուղղված առաջարկությունների ներկայացում։

 

   Նշված թափուր պաշտոնը զբաղեցնելու համար պահանջվում է`

·         Հայաստանի Հանրապետության քաղաքացիություն,

·         Բարձրագույն կրթություն,

·         հայերենի և անգլերենի տիրապետում,

·         Հասարակայնության հետ կապերի, ռազմավարական հաղորդակցության, հանրային իմիջի կառավարման և հաղորդակցության արդյունավետության գնահատման մասնագիտական գիտելիքներ։

·         համակարգչով և ժամանակակից այլ տեխնիկական միջոցներով աշխատելու ունակություն,

·         տարբեր իրավիճակներում կողմնորոշվելու ունակություն։

Փորձագետը պարտավոր է՝

·   Բարեխղճորեն կատարել պայմանագրով ստանձնած աշխատանքները:

·   Պահպանել նախարարությունում սահմանված ներքին կարգապահական կանոնները,  աշխատանքային կարգապահությունը:

·   Պահպանել աշխատանքի պաշտպանության և անվտանգության ապահովման միջոցները:

·   Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

Փորձագետի պաշտոնը զբաղեցնելու ժամկետը սահմանվում է մինչև 2027 թվականի սեպտեմբերի 30-ը ներառյալ:

Դիմումների ընդունման վերջին ժամկետն է` 26.10.2026թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ. 010590049,

էլ. փոստ՝ Hr.mrcuyt@hti.am  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

·   դիմում Նախարարության գլխավոր քարտուղարի անունով.

·   տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.

·   արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,

·   անձնագրի կամ նույնականացման քարտի պատճենը

·   մեկ լուսանկար 3X4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

 Դիմումի ձևը կցվում է: