ՀՀ բարձր տեխնոլոգիական արդյունաբերության և արհեստական բանականության նախարարությունը աշխատանքի է հրավիրում պատասխանատու, կազմակերպված և տեխնոլոգիական ոլորտին քաջատեղյակ մասնագետի՝ նախարարի տեղակալի օգնականի պաշտոնը զբաղեցնելու համար։ Փնտրում ենք վստահելի և նախաձեռնող մասնագետի, ով կկարողանա արդյունավետ կազմակերպել նախարարի տեղակալի աշխատանքային օրակարգը, հանդիպումներն ու միջոցառումները, համակարգել հանձնարարականների կատարման ընթացքը և ազատ կողմնորոշվել բարձր տեխնոլոգիաների և արհեստական բանականության ոլորտներում։

 Հիմնական պարտականությունները

• նախարարի տեղակալի օրակարգի, հանդիպումների և զանգերի պլանավորում և կառավարում,
• հանդիպումների և միջոցառումների կազմակերպում, նախապատրաստում և մասնակցություն,
• հանձնարարականների գրանցում և կատարման ընթացքի վերահսկում՝ առաջադրանքների կառավարման (task management) հարթակների միջոցով,
• պատասխանատուների և վերջնաժամկետների հստակեցում ու վերահսկում,
• գործընկերների, պետական և մասնավոր կառույցների ներկայացուցիչների ու այցելուների հետ գրավոր և բանավոր հաղորդակցություն,
• հանդիպումների համար անհրաժեշտ նյութերի, ամփոփագրերի և նամակների պատրաստում՝ հայերեն և անգլերեն,
• ընթացիկ, ավարտված և ժամկետանց առաջադրանքների վերաբերյալ պարբերական հաշվետվությունների պատրաստում։

Ներկայացվող պահանջները

• պատասխանատվության բարձր զգացում և աշխատանքային կարգապահություն,
• բարձր տեխնոլոգիաների, ՏՏ և արհեստական բանականության ոլորտների հիմնական եզրույթների և արդի միտումների ընդհանուր ըմբռնում,
• միաժամանակ մի քանի առաջադրանք կառավարելու և առաջնահերթություններ սահմանելու կարողություն,
• կազմակերպվածություն, ճշտապահություն, մանրուքների նկատմամբ ուշադրություն և զգոնություն,
• հաղորդակցման գերազանց հմտություններ,
• արհեստական բանականության գործիքների (ChatGPT, Claude և այլն), առաջադրանքների կառավարման հարթակների և այլ թվային գործիքների վստահ օգտագործում,
• հայերենի և անգլերենի գերազանց իմացություն, ռուսերենի իմացությունը կդիտվի որպես առավելություն։

Ինչպե՞ս դիմել

Ուղարկեք՝

• ինքնակենսագրական (CV),
• կարճ ուղեկցող նամակ՝ նշելով, թե ինչու եք համապատասխանում այս պաշտոնին։

Փաստաթղթերն ուղարկեք cv.dpt-ast@hti.am էլեկտրոնային հասցեին։

Նամակի թեմայում պարտադիր նշեք՝
 Դիմում | Նախարարի տեղակալի օգնական | Անուն Ազգանուն

Դիմումների վերջնաժամկետը՝ 09.10.2026 թ. ներառյալ։

Նախնական ընտրությունն անցած թեկնածուների հետ կապ կհաստատվի՝ հարցազրույցի հրավիրելու նպատակով։