📢 ՀՀ բարձր տեխնոլոգիական արդյունաբերության նախարարությունը հայտարարում է մասնագիտական փորձ և համապատասխան գիտելիքներ ունեցող քաղաքացիների ներգրավման նախաձեռնության մասին։

Նախարարությունը հրավիրում է այն մասնագետներին, ովքեր փորձ ունեն հետևյալ ոլորտներից որևէ մեկում՝

• Արհեստական բանականություն (ԱԲ)
• Կապ և փոստ
• Տիեզերական գործունեություն
• Գիտատեխնիկական գործունեություն
• Տեխնոլոգիական էկոհամակարգի զարգացում, այդ թվում՝ ստարտափների զարգացում և նորարարության խթանում
• Թվայնացում
• Նախարարության գործունեությանն առնչվող այլ ուղղություններ

Նախարարության գործունեության շրջանակում համապատասխան մասնագիտական ներուժի բացահայտման և հնարավոր համագործակցության նպատակով խնդրում ենք Ձեր ինքնակենսագրականը (CV) ներկայացնել հետևյալ էլեկտրոնային հասցեին՝

📩 CV-HR@hti.am

Կարևոր է․ էլեկտրոնային նամակի «Subject (Առարկա)» դաշտում պարտադիր պետք է հստակ նշել այն ոլորտը, որի շրջանակում ցանկանում եք, որ Ձեր ներկայացրած տվյալները դիտարկվեն։

Օրինակ՝
Subject (Առարկա) ՝ Արհեստական բանականություն
կամ
Subject (Առարկա) ՝ Տեխնոլոգիական էկոհամակարգի զարգացում / Ստարտափներ

⚠️ Սահմանված ընթացակարգին չհամապատասխանող կամ պահանջվող տեղեկատվությունը չպարունակող փաստաթղթերը չեն դիտարկվելու։

Ձեր մասնագիտական փորձը, գիտելիքն ու գաղափարները կարող են կարևոր ներդրում ունենալ Հայաստանի բարձր տեխնոլոգիական ոլորտի զարգացման գործում։

#ԲՏԱ #Տեխնոլոգիաներ #ԱրհեստականԲանականություն #Թվայնացում #Նորարարություն #Ստարտափներ #Տիեզերք #ԳիտատեխնիկականԳործունեություն