ՀԱՅՏԱՐԱՐՈՒԹՅՈՒՆ

 Թվայնացման  վարչության փորձագետ

ՀՀ բարձր տեխնոլոգիական արդյունաբերության նախարարության (այսուհետ՝ Նախարարություն) թվայնացման վարչությունը մշակում է Հայաստանի Հանրապետության թվայնացման, կիբեռանվտանգության, տվյալների, արհեստական բանականության և տվյալագիտության միասնական քաղաքականությունը, թվային փոխակերպման գործընթացների համակարգման, միասնական թվայնացված միջավայրի և թվային տնտեսության ձևավորման խթանման, թվային կառավարման ներդրման, պետության կողմից մատուցվող ծառայությունների թվային եղանակով արագ, որակյալ և մատչելի լուծումների միջոցով հասանելիության ապահովման, թվային փոխակերպման ոլորտում միջպետական համագործակցության ապահովման միջոցառումների մշակումը և թվային լուծումների ստեղծման և զարգացման շրջանակում պետություն-մասնավոր համագործակցության իրականացման աշխատանքներ:

  Որպես հիմնական և անհրաժեշտ արդյունք ակնկալվում է փորձագետի կողմից հետևյալ գործառույթների իրականացում՝

1. թվային օրակարգից բխող օրենսդրական դաշտի վերլուծության, գործողությունների ծրագրերի մշակման,
2. էլեկտրոնային փաստաթղթի, Էլեկտրոնային թվային ստորագրության, ինքնության նույնականացման և վավերացման նոր լուծումների ներդրման և խթանման միջոցառումների մշակման,
3. օրենսդրական նախագծերի քննարկման նպատակով պետական մարմինների հետ հանդիպումների կազմակերպման, արդյունքների ամփոփման, առաջարկների կազմման,
4. էլեկտրոնային նույնականացման միջոցների օգտագործման և վստահության ծառայությունների պատշաճ և անվտանգ մատուցման և հարակից օրենքների նախագծերի մշակման, դրանց վերաբերյալ պետական կառավարման մարմիններից առաջարկությունների ստացման, ամփոփման,
5. էլեկտրոնային առևտրի և հարակից օրենքների նախագծերի մշակման, դրանց վերաբերյալ պետական կառավարման մարմիններից առաջարկությունների ստացման, ամփոփման աշխատանքներ:

Հաշվի առնելով վերոգրյալը՝ անհրաժեշտություն է առաջացել ՀՀ բարձր տեխնոլոգիական արդյունաբերության նախարարության թվայնացման վարչությունում՝ կանոնադրական խնդիրներից բխող որոշակի ժամկետով իրականացվող ծրագրերի իրականացման դեպքով ներգրավել փորձագետ:

    Նշված թափուր պաշտոնը զբաղեցնելու համար պահանջվում է`

• Հայաստանի Հանրապետության քաղաքացիություն,
• Բարձրագույն կրթություն․
• Հայերենի և ռուսերենի կամ անգլերենի գերազանց տիրապետում․
• Իր լիազորությունների հետ կապված անհրաժեշտ աշխատանքային ընթացակարգերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն.
• Անհրաժեշտ տեղեկատվության տիրապետում.
• Համակարգչով և ժամանակակից այլ տեխնիկական միջոցներով աշխատելու ունակություն:

Փորձագետը պարտավոր է՝

• Բարեխղճորեն կատարել պայմանագրով ստանձնած աշխատանքները:
• Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:
• Պահպանել աշխատանքի պաշտպանության և անվտանգության ապահովման միջոցները:
• Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

Փորձագետի պաշտոնը զբաղեցնելու ժամկետը սահմանվում է 2026 թվականի դեկտեմբերի 30-ը:

Դիմումների ընդունման վերջին ժամկետն է 11.09.2026թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ.59-00-49,

էլ. փոստ՝ Hr.mrcuyt@hti.am  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

• դիմում Նախարարության գլխավոր քարտուղարի անունով.
• տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
• արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
• անձնագրի կամ նույնականացման քարտի պատճենը
• մեկ լուսանկար 3X4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

 Դիմումի ձևը կցվում է: