ՀԱՅՏԱՐԱՐՈՒԹՅՈՒՆ

ՀՀ բարձր տեխնոլոգիական արդյունաբերության նախարարության տեխնոլոգիական էկոհամակարգի զարգացման վարչության փորձագետի

Հայաստանի Հանրապետության բարձր տեխնոլոգիական արդյունաբերության նախարարության տեխնոլոգիական էկոհամակարգի զարգացման վարչությունը (այսուհետև՝ Վարչություն) իր առջև դրված խնդիրների և նպատակների իրագործման համար իր իրավասությունների սահմաններում իրականացնում է հետևյալ գործառույթները` տեխնոլոգիական էկոհամակարգի կայուն և շարունակական զարգացումը, հանրության շրջանում տեխնոլոգիական գրագիտության բարձրացումը, խթանում է մարդկանց, կազմակերպությունների, տեխնոլոգիաների և ռեսուրսների միջև արդյունավետ փոխգործակցությունը՝ ուղղված նորարարական ներուժի բացահայտմանը և ազգային արդյունաբերության մրցունակության բարձրացմանը:

Հայաստանի Հանրապետության բարձր տեխնոլոգիական արդյունաբերության նախարարության կանոնադրական խնդիրներից բխող կոնկրետ գործառույթների իրականացման ծավալների կտրուկ ավելացման դեպքով՝ անհրաժեշտություն է առաջացել տեխնոլոգիական էկոհամակարգի զարգացման վարչությունում ներգրավել փորձագետ.

1. Հիմնական գործառույթների համառոտ նկարագիրը.

1)   Տեղական և միջազգային տեխնոլոգիական միջոցառումների վերաբերյալ տեղեկատվական բազայի պարբերական համալրում և տվյալների շարունակական ճշգրտում,

2) Տեղական և միջազգային տեխնոլոգիական, ոլորտային առանձին մասնագիտական ընկերությունների բազայի պարբերական համալրում և տվյալների շարունակական ճշգրտում,

3) Տեղական և միջազգային տեխնոլոգիական դեմքերի բազայի ստեղծում և պարբերական համալրում,

4) Մարդկային կապիտալի զարգացմանն ուղղված  բաժնի գործառույթների միջազգային փորձի, ոլորտի կառավարման քաղաքականության, ռազմավարությունների, միասնական սկզբունքների և ստանդարտների ուսումնասիրում:

Նշված թափուր պաշտոնը զբաղեցնելու համար պահանջվում է`

·       Հայաստանի Հանրապետության քաղաքացիություն

·       Բարձրագույն կրթություն

·       Հայերենի, ռուսերենի և անգլերենի իմացություն

·       Հետազոտական աշխատանքների իրականացման կարողություն          

· Համակարգչով և ժամանակակից այլ տեխնիկական միջոցներով աշխատելու ունակություն        

Փորձագետը պարտավոր է՝

·      Բարեխղճորեն կատարել պայմանագրով ստանձնած աշխատանքները:

· Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:

·      Պահպանել աշխատանքի պաշտպանության և անվտանգության ապահովման միջոցները:

· Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

Փորձագետի պաշտոնը զբաղեցնելու ժամկետը սահմանվում է մինչև 2027 թվականի հուլիսի  15-ը ներառյալ:

Դիմումների ընդունման վերջին ժամկետն է` 14.07.2026թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ.՝ 010590045,

էլ. փոստ՝ Hr.mrcuyt@hti.am  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

·      դիմում Նախարարության գլխավոր քարտուղարի անունով.

·   տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.

·    արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,

·      անձնագրի կամ նույնականացման քարտի պատճենը

·      մեկ լուսանկար 3+4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

Դիմումի ձևը կցվում է: