ՀԱՅՏԱՐԱՐՈՒԹՅՈՒՆ

ԿԱՊԻ ԵՎ ՓՈՍՏԻ ՎԱՐՉՈՒԹՅԱՆ ՓՈՐՁԱԳԵՏԻ

Հիմնական գործառույթների համառոտ նկարագիրը`

      ՀՀ բարձր տեխնոլոգիական արդյունաբերության և արհեստական բանականության նախարարության (այսուհետ՝ Նախարարություն) կապի և փոստի վարչությունը (այսուհետ՝ Վարչություն) Նախարարության հիմնական մասնագիտական կառուցվածքային ստորաբաժանումն է։ Կապի ոլորտում Վարչության խնդիրների պատշաճ իրականացման համար անհրաժեշտ է ապահովել էլեկտրոնային հաղորդակցության ենթակառուցվածքների և ծառայությունների վերաբերյալ տվյալների շարունակական հավաքագրում, ստուգում, համակարգում և վերլուծություն, տարածքային հասանելիության և ծածկույթի գնահատում, ոլորտային զարգացման ծրագրերի և սահմանված պարտավորությունների կատարման ընթացքի մոնիթորինգ, ինչպես նաև որոշումների նախապատրաստման համար անհրաժեշտ վերլուծական, համեմատական և ամփոփ նյութերի պատրաստում։ Նշված աշխատանքների իրականացման նպատակով անհրաժեշտություն է առաջացել ներգրավել համապատասխան մասնագիտական գիտելիքներ և վերլուծական կարողություններ ունեցող փորձագետի։

Որպես հիմնական և անհրաժեշտ արդյունք փորձագետի կողմից  ակնկալվում է հետևյալ գործառույթների իրականացումը՝

 

Որպես հիմնական և անհրաժեշտ արդյունք փորձագետի կողմից  ակնկալվում է հետևյալ գործառույթների իրականացումը՝

1. Կապի ենթակառուցվածքների, ծածկույթի և ծառայությունների հասանելիության վերաբերյալ տվյալների հավաքագրում, համակարգում և վերլուծություն՝

– հավաքագրել, համադրել, ստուգել և պարբերաբար թարմացնել ֆիքսված և շարժական էլեկտրոնային հաղորդակցության ցանցերի, լայնաշերտ ինտերնետի, օպտիկամանրաթելային և այլ կապի ենթակառուցվածքների, բջջային ծածկույթի և ծառայությունների տարածքային հասանելիության վերաբերյալ տվյալները՝ պարտադիր նշելով տվյալների աղբյուրը և արդիականացման ամսաթիվը,

– համադրել պետական և տեղական ինքնակառավարման մարմիններից, կարգավորող մարմնից, օպերատորներից և այլ իրավասու կազմակերպություններից ստացված տվյալները, բացահայտել դրանց միջև առկա անհամապատասխանությունները, տվյալների բացերը և լրացուցիչ ճշտում պահանջող հարցերը,

– վերլուծել կապի ծառայությունների հասանելիության և ծածկույթի վիճակը, առանձնացնել չսպասարկվող կամ թերսպասարկվող բնակավայրերն ու տարածքները, գնահատել տարածքային անհամաչափությունները, ենթակառուցվածքային բացերը և զարգացման առաջնահերթ ուղղությունները,

– Վարչության իրավասությունների սահմաններում համակարգել և վերլուծել ոլորտային զարգացման ու ներդրումային ծրագրերի, կարգավորող մարմնի որոշումների, լիցենզիաների, թույլտվությունների և այլ իրավական ակտերով սահմանված պարտավորությունների վերաբերյալ տվյալները, հետևել դրանց կատարման ընթացքին և պատրաստել համապատասխան վերլուծական ամփոփումներ,

– ձևավորել և վարել աշխատանքային աղյուսակներ ու տվյալների շտեմարաններ, պատրաստել ամփոփ ցուցանիշներ, քարտեզագրման և տվյալների այլ պատկերավորման համար անհրաժեշտ նյութեր, թեմատիկ տեղեկանքներ և վերլուծական զեկույցներ,

– ուսումնասիրել համապատասխան միջազգային փորձը և, Հայաստանի Հանրապետության ոլորտային առանձնահատկությունները հաշվի առնելով, մշակել հիմնավորված առաջարկություններ՝ կապի ենթակառուցվածքների հասանելիության, ծառայությունների տարածքային ընդգրկման, զարգացման արդյունավետության և ենթակառուցվածքային բացերի նվազեցման վերաբերյալ։

2. Կապի ոլորտային քաղաքականության, իրավական կարգավորումների և միջազգային համագործակցության վերլուծական աջակցություն՝

– մասնակցել կապի ոլորտին առնչվող իրավական ակտերի, ռազմավարությունների, հայեցակարգերի, ծրագրերի և այլ փաստաթղթերի նախագծերի ուսումնասիրությանը և դրանց վերաբերյալ վերլուծական նյութերի, դիտարկումների և առաջարկությունների պատրաստմանը,

– ըստ հանձնարարության՝ պատրաստել տեղեկանքներ, համեմատական վերլուծություններ և դիրքորոշման ձևավորման համար անհրաժեշտ նյութեր՝ Հեռահաղորդակցության միջազգային միության և կապի ոլորտում գործող այլ միջազգային կամ տարածաշրջանային կառույցների շրջանակներում քննարկվող հարցերի վերաբերյալ,

– աջակցել պետական մարմինների, կարգավորող մարմնի, կապի օպերատորների և այլ շահագրգիռ կողմերի հետ աշխատանքային տեղեկատվության հավաքագրմանը, համակարգմանը և ամփոփմանը, ինչպես նաև ստացված նյութերի հիման վրա տեղեկանքների և պատասխանների նախագծերի պատրաստմանը,

– կատարել կապի ոլորտում Վարչության կանոնադրական խնդիրներից և սույն ծրագրի նպատակներից բխող այլ մասնագիտական, վերլուծական և կազմակերպչական աշխատանքներ՝ անմիջական ղեկավարի կոնկրետ հանձնարարությամբ։

3. Սույն ծրագրով նախատեսված աշխատանքների հիմնական ակնկալվող արդյունքներն են՝

– կապի ոլորտային տվյալների համակարգված, ստուգելի և պարբերաբար թարմացվող աշխատանքային շտեմարանի ձևավորում և վարում,

– կապի ենթակառուցվածքների, բջջային և ֆիքսված կապի ծածկույթի ու ծառայությունների հասանելիության վերաբերյալ ամփոփ աղյուսակների, ցուցանիշների և, անհրաժեշտության դեպքում, քարտեզագրման նյութերի պատրաստում,

– չսպասարկվող կամ թերսպասարկվող բնակավայրերի, ենթակառուցվածքային բացերի, տվյալների անհամապատասխանությունների, ռիսկերի և զարգացման հնարավորությունների վերաբերյալ թեմատիկ վերլուծական նյութերի պատրաստում,

– ոլորտային ծրագրերի, պարտավորությունների կատարման, ենթակառուցվածքների զարգացման և հասանելիության բարելավման վերաբերյալ Վարչության որոշումների ու առաջարկությունների մշակման համար գործնական կիրառություն ունեցող հիմնավորված առաջարկությունների ներկայացում,

– կատարված աշխատանքների վերաբերյալ եռամսյակային հաշվետվությունների ներկայացում՝ կատարված աշխատանքի, ստացված արդյունքների, բաց հարցերի և հաջորդ քայլերի հստակ նկարագրությամբ։

 

   Նշված թափուր պաշտոնը զբաղեցնելու համար պահանջվում է`

– Հայաստանի Հանրապետության քաղաքացիություն,

– բարձրագույն կրթություն

– հայերենի գերազանց տիրապետում, ռուսերենի կամ անգլերենի լավ տիրապետում,

– «Էլեկտրոնային հաղորդակցության մասին» օրենքի, դրանից բխող իրավական ակտերի և կապի ոլորտի հիմնական գործընթացների իմացություն,

– մեծածավալ տվյալների հավաքագրման, համադրման, ստուգման և վերլուծության, ինչպես նաև պաշտոնական, վերլուծական և հաշվետվական նյութերի պատրաստման կարողություն,

– աղյուսակային տվյալների մշակման ծրագրերով և ժամանակակից տեղեկատվական գործիքներով աշխատելու հմտություն, քարտեզագրման կամ աշխարհագրական տեղեկատվական համակարգերի (GIS) կիրառման փորձը՝ որպես առավելություն,

–վերլուծական մտածողություն, ճշգրտություն, պատասխանատվություն, հաղորդակցության, համագործակցության և կազմակերպչական հմտություններ։

Փորձագետը պարտավոր է՝

·   Բարեխղճորեն կատարել պայմանագրով ստանձնած աշխատանքները:

·   Պահպանել նախարարությունում սահմանված ներքին կարգապահական կանոնները, աշխատանքային կարգապահությունը:

·   Պահպանել աշխատանքի պաշտպանության և անվտանգության ապահովման միջոցները:

·   Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:

 

Փորձագետի պաշտոնը զբաղեցնելու ժամկետը սահմանվում է մինչև 2027 թվականի օգոստոսի 31-ը:

Դիմումների ընդունման վերջին ժամկետն է` 18.09.2026թ.:

Փորձագետների ընտրությունը կատարվում է փաստաթղթային եղանակով:

Աշխատանքի վայրը՝ ք. Երևան, Վազգեն Սարգսյան 3/3, հեռ. 010590049,

էլ. փոստ՝ Hr.mrcuyt@hti.am  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

·   դիմում Նախարարության գլխավոր քարտուղարի անունով.

·   տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.

·   արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,

·   անձնագրի կամ նույնականացման քարտի պատճենը

·   մեկ լուսանկար 3X4 սմ չափսի:

ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:

 Դիմումի ձևը կցվում է: