Բարձր տեխնոլոգիական արդյունաբերության նախարարություն
Ամփոփվել է Plug and Play նախաաքսելերացիոն ծրագրի հայտերի ընդունման փուլը
Plug and Play նախաաքսելերացիոն ծրագրի հայտերի ընդունման փուլը ամփոփվել է։
Ծրագրին մասնակցելու համար դիմել է ավելի քան 120 ստարտափ, որոնցից մասնագիտական հանձնաժողովը կընտրի 15 մասնակից ստարտափներին։
Ծրագիրը կմեկնարկի ապրիլի 14-ին՝ նպատակ ունենալով աջակցել ընտրված ստարտափներին իրենց գաղափարների զարգացման, բիզնես մոդելների կատարելագործման և ներդրումային պատրաստվածության բարձրացման գործընթացում։
Ծրագրի հանդիսավոր բացման միջոցառումը տեղի կունենա ապրիլի 17-ին՝ ժամը 18:30-ին, Մատենադարանի երկրորդ մասնաշենքում։
Միջոցառմանը ներկա կլինեն ձեռներեցներ, ներդրողներ, ոլորտի փորձագետներ և ստարտափների հիմնադիրներ։ Հյուրերը կունենան բացառիկ հնարավորություն ծանոթանալու ընտրված ստարտափներին, տեղեկանալու ծրագրի առաջիկա միջոցառումների և համագործակցության հնարավորությունների մասին, որին կհաջորդի կապերի հաստատման միջոցառումը (networking event)։
Միջոցառմանը մասնակցելու համար անհրաժեշտ է նախապես գրանցվել հետևյալ հղումով:
