Նախարարի առաջին տեղակալն ընդունել է Հայաստանի Հանրապետությունում Հարավային Աֆրիկայի Հանրապետության դեսպանին

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը սեպտեմբերի 12-ին ընդունել է Հայաստանի Հանրապետությունում Հարավային Աֆրիկայի Հանրապետության արտակարգ և լիազոր դեսպան Անդրե Յոհաննես Խրունևալդին։

Գևորգ Մանթաշյանը ողջունել է դեսպանին, ներկայացրել նախարարության գործունեության հիմնական ուղղությունները, նախարարության կողմից իրականացվող ծրագրերը, մասնավորապես՝ «Ինժեներական քաղաք», պետական աջակցության և կրթական ծրագրերը։

Նախարարի առաջին տեղակալն անդրադարձել է նաև արդեն իսկ ձևավորված երկկողմ հարաբերություններին և համոզմունք հայտնել, որ համատեղ ջանքերի շնորհիվ երկկողմ և բազմակողմ ձևաչափերում բարձր տեխնոլոգիաների ոլորտում համագործակցության հնարավորություններ կարող են նախանշվել և շոշափելի արդյունքներ գրանցվել:

Դեսպան Անդրե Յոհաննես Խրունևալդինն իր հերթին շնորհակալություն է հայտնել ընդունելության համար և պատրաստակամություն հայտնել՝ նպաստելու ոլորտային գործակցության ձևավորմանը և ամրապնդմանը:

Հանդիպման ընթացքում քննարկվել են բարձր տեխնոլոգիաներին առնչվող մի շարք հարցեր, անդրադարձ է կատարվել երկկողմ հետաքրքրություն ներկայացնող թեմաների, մասնավորապես՝ արհեստական բանականությանը, կապի և փոստի ոլորտին, հանքաարդյունաբերության մեջ բարձր տեխնոլոգիաների կիրառմանը, կրթական նոր ծրագրերին։