Բարձր տեխնոլոգիական արդյունաբերության նախարարություն
ԲՏԱ նախարարի տեղակալը ներկայացրել է բարձր տեխնոլոգիաների զարգացման ընթացիկ նախաձեռնություններն ու ռազմավարական ծրագրերը
- Հրապարակվել է՝ 12/12/2025
- Թեմաներ
- Կարևոր
- Հայտարարություն
- Նորություն
- Պաշտոնական
ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյաը մասնակցել է «Բարձր տեխնոլոգիաներ և տնտեսություն․ զրույց՝ Հայաստանի ապագայի մասին» խորագրով պանելային քննարկմանը։
Իր խոսքում նախարարի տեղակալը ներկայացրել է ԲՏԱՆ ընթացիկ ծրագրերն ու առաջնահերթությունները՝ ընդգծելով, որ տեխնոլոգիական ոլորտի զարգացումը, նորարարական միջավայրի ամրապնդումը և ներդրումային էկոհամակարգի ձևավորումը շարունակում է մնալ ՀՀ կառավարության և ԲՏԱ նախարարության օրակարգում։
Նրա խոսքով՝ Հայաստանն այսօր ունի ուժեղ և մրցունակ մարդկային կապիտալ, արագ զարգացող տեխնոլոգիական կարողություններ, ռազմավարական մի շարք ուղղություններում ձեռք բերված հստակ արդյունքներ, որոնք ճանապարհ են հարթում Հայաստանի համար դեպի գլոբալ շուկաներ։
Այս համատեքստում կարևորվել է արտահանման վերահսկողության պահանջներին համապատասխան գործընթացների ձևավորումը՝ որպես միջազգային գործընկերների հետ համագործակցության ընդլայնման նախապայման։
Ռուբեն Սիմոնյանը ներկայացրել է նաև ԲՏԱՆ կողմից մշակվող Հայաստանի բարձր տեխնոլոգիաների զարգացման ռազմավարական ծրագիրը` նշելով, որ այն նպատակ ունի հստակեցնել ոլորտային ուղղությունները, մասնավորապես, նորարարության, թվային փոխակերպման, գիտության և տեխնոլոգիաների զարգացման, կիբեռանվտանգության և միջազգային համագործակցության ընդլայնման շրջանակում: Անդրադարձ է կատարել նաև օգոստոսի 8-ին Վաշինգտոնում ստորագրված փոխըմբռնման հուշագրով նախատեսված ծրագրերին։
Միջոցառմանը մասնակցել են պետական համակարգի, մասնավոր հատվածի, սփյուռքի, միջազգային կազմակերպությունների ներկայացուցիչներ։
