ՀԱՅՏԱՐԱՐՈՒԹՅՈՒՆ
Շուկայի հետազոտության և զարգացման վարչության փորձագետ
Հիմնական գործառույթների համառոտ նկարագիրը`
Նախարարության կանոնադրական խնդիրներից բխող որոշակի ժամկետով իրականացվող ծրագրերի իրականացման դեպքով՝
Փորձագետի կողմից իրականացվելու է՝
1) Հայկական և միջազգային հեղինակավոր ցուցահանդեսներին հայկական բարձր տեխնոլոգիական ոլորտի կազմակերպությունների հետ համատեղ մասնակցության համար հայկական միասնական տաղավարների նախագծում և դիզայն: Տաղավարում մասնակից կազմակերպությունների ճիշտ դիրքավորում ու ներկայացում: Կազմակերպությունների կողմից վահանակների վրա (ստենդ) վրա ներկայացվող նյութերի հավաքագրում և մշակում,
2) Հայկական և միջազգային հեղինակավոր ցուցահանդեսներին հայկական բարձր տեխնոլոգիական ոլորտի կազմակերպությունների հետ համատեղ մասնակցության համար հայկական միասնական տաղավարների կառուցապատման տեխնիկական բնութագրերի պատրաստում,
3) Անմիջական մասնակցություն տեղական և միջազգային ցուցահանդեսների կազմակերպչական աշխատանքներին, հանդիպումներին, կառուցապատող կազմակերպությունից ցուցահանդեսային տաղավարի աշխատանքների ընդունում՝ համաձայն ներկայացված տեխնիկական նկարագրի,
4) Նախարարության կողմից կազմակերպվող աշխատաժողովներին, համաժողովներին, ցուցահանդեսներին և այլ միջոցառումներին ընդառաջ նյութերի պատրաստում,
5) բարձր տեխնոլոգիաների ոլորտում ինովացիոն կարողությունների զարգացման և ոլորտը միջազգային գործընթացներում ներգրավման, ինչպես նաև հայկական տեխնոլոգիական զարգացման գործունեություն իրականացնող ընկերությունների գլոբալացման խթանման աշխատանքներ,
6) Բարձր տեխնոլոգիական ոլորտի խթանման նպատակով՝ ոլորտային միջոցառումների (ցուցահանդեսներ, գործարար համաժողովներ, կոնֆերանսներ և այլն) կազմակերպման աշխատանքներ՝ Նախարարության հիմնական և աջակցող մասնագիտական ստորաբաժանումների ներգրավմամբ․
7) Բարձր տեխնոլոգիական ոլորտում հայկական կազմակերպությունների կարողությունների (արտադրանքի, ծառայությունների) գնահատման աշխատանքներ:
Նշված թափուր պաշտոնը զբաղեցնելու համար պահանջվում է`
- Հայաստանի Հանրապետության քաղաքացիություն․
- Բարձրագույն կրթություն․
- Հայերենի և ռուսերենի կամ անգլերենի գերազանց տիրապետում․
- Իր լիազորությունների հետ կապված անհրաժեշտ աշխատանքային ընթացակարգերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն.
- Անհրաժեշտ տեղեկատվության տիրապետում.
- Համակարգչով և ժամանակակից այլ տեխնիկական միջոցներով աշխատելու ունակություն:
Փորձագետի պաշտոնը զբաղեցնելու ժամկետը սահմանվում է մինչև 30.11.2026թ․
Դիմումների ընդունման վերջին ժամկետն է` 28.11.2025թ.:
Փորձագետների ընտրությունը կատարվում է փաստաթղթային եղանակով:
Աշխատանքի վայրը՝ ք. Երևան, Վազգեն Սարգսյան 3/3, հեռ. 010 59-01-17,
էլ. փոստ՝
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում Նախարարության գլխավոր քարտուղարի անունով.
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
- անձնագրի կամ նույնականացման քարտի պատճենը
- մեկ լուսանկար 3+4 սմ չափսի:
ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:
Դիմումի ձևը կցվում է: