ՀԱՅՏԱՐԱՐՈՒԹՅՈՒՆ
Տիեզերական և գիտատեխնիկական գործունեության վարչությունում փորձագետ ներգրավելու համար
Հիմնական գործառույթների համառոտ նկարագիրը`
1. ՀՀ գիտաուսումնական հաստատությունների ներգրավման, արտերկրի առաջատար գիտահետազոտական հաստատությունների և ռազմարդյունաբերական տեխնոլոգիական ընկերությունների հետ համագործակցության զարգացմանն ուղղված աշխատանքներ,
2. Ռազմարդյունաբերական ոլորտում գիտահետազոտական և փորձակոնստրուկտորական (ԳՀՓԿ) աշխատանքների գործնական կիրառման, ընկերություններում ռազմական նշանակության ապրանքների արտադրության, նորոգման, օգտահանման, գիտահետազոտական և փորձակոնստրուկտորական աշխատանքների աշխատատարության և նյութածախսի վերաբերյալ տեղեկատվության ուսումնասիրման, գնահաշվարկների լիարժեք և արդյունավետ ստուգման, համաձայնեցման համար իրականացվող աշխատանքներ, նպատակային և համակարգված թեմաների մշակման, ժամանակակից միտումներին համապատասխանությանն ուղղված աշխատանքներ։
3. Համագործակցության փաստաթղթերի կազմում, ԳՀՓԿ աշխատանքների պլանների նախագծում, ընկերություններում ռազմական նշանակության ապրանքների՝ արտադրության, նորոգման, օգտահանման, գիտահետազոտական և փորձակոնստրուկտորական աշխատանքների շրջանակներում աշխատատարության և նյութածախսի վերաբերյալ տեղեկատվության ուսումնասիրում, գնահաշվարկների լիարժեք և արդյունավետ ստուգում, ոլորտում լիազոր մարմնի կողմից համաձայնեցման համար իրականացվող աշխատանքների վերաբերյալ փաստաթղթերի նախապատրաստում, ինչպես նաև առաջարկությունների տրամադրում։
Նշված թափուր պաշտոնը զբաղեցնելու համար պահանջվում է`
- Հայաստանի Հանրապետության քաղաքացիություն․
- Բարձրագույն կրթություն․
- Հայերենի, ռուսերենի կամ անգլերենի տիրապետում․
- Իր լիազորությունների հետ կապված անհրաժեշտ իրավական ակտերի իմացություն, մասնագիտական գիտելիքներ, տարբեր իրավիճակներում կողմնորոշվելու ունակություն.
- Անհրաժեշտ տեղեկատվության տիրապետում
- Համակարգչով և ժամանակակից այլ տեխնիկական միջոցներով աշխատելու ունակություն:
Փորձագետը պարտավոր է՝
- Բարեխղճորեն կատարել պայմանագրով ստանձնած աշխատանքները.
- Պահպանել նախարարությունում սահմանված ներքին կարգապահական կանոնները, աշխատանքային կարգապահությունը.
- Պահպանել աշխատանքի պաշտպանության և անվտանգության ապահովման միջոցները.
- Իրականացնել աշխատանքային օրենսդրությամբ, «Հանրային ծառայության մասին» օրենքով և պայմանագրով իրենց վերապահված այլ պարտականությունները:
Փորձագետի պաշտոնը զբաղեցնելու ժամկետը սահմանվում է մինչև 30.11.2026թ.:
Դիմումների ընդունման վերջին ժամկետն է` 02.12.2025թ.:
Փորձագետների ընտրությունը կատարվում է փաստաթղթային եղանակով:
Աշխատանքի վայրը՝ ք. Երևան, Վազգեն Սարգսյան 3/3, հեռ.59-01-17,
էլ. փոստ՝
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում Նախարարության գլխավոր քարտուղարի անունով.
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
- անձնագրի կամ նույնականացման քարտի պատճենը
- մեկ լուսանկար 3+4 սմ չափսի:
ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:
Դիմումի ձևը կցվում է: