ՀԱՅՏԱՐԱՐՈՒԹՅՈՒՆ
ՀՀ բարձր տեխնոլոգիական արդյունաբերության նախարարության ռազմարդյունաբերության կոմիտեի գիտահետազոտական և փորձակոնստրուկտորական աշխատանքների կազմակերպման վարչության փորձագետ
Հիմնական գործառույթների համառոտ նկարագիրը`
ՀՀ բարձր տեխնոլոգիական արդյունաբերության նախարարության (այսուհետ նաև՝ Նախարարություն) ռազմարդյունաբերության կոմիտեի, ԳՀՓԿԱ վարչությունում՝ իրավական ակտերի ծավալների և ոլորտի առանձահատկությամբ պայմանավորված՝ անհրաժեշտ է ներգրավել փորձագետ։
Փորձագետը ներգրավվում է, մասնավորապես՝ ԳՀՓԿ աշխատանքների ինտելեկտուալ սեփականության նոր պայմանագրերի մշակման, ինչպես նաև դրա հետ կապված փորձի ուսումնասիրություններ և վերլուծություններ կատարելու նպատակով։
Փորձագետը ներգրավվում է Նախարարության կանոնադրական խնդիրներից բխող կոնկրետ հանձնարարականի իրականացման դեպքով:
Նշված թափուր պաշտոնը զբաղեցնելու համար պահանջվում է`
- Բարձրագույն կրթություն
- Հայերեն, ռուսերեն և անգլերեն լեզուների լավ իմացություն
- Իր լիազորությունների հետ կապված իրավական ակտերի, իրավաբանական գիտելիքների, ոլորտը կարգավորող օրենսդրության անհրաժեշտ իմացություն, տարբեր իրավիճակներում կողմնորոշվելու ունակություն,
- Համակարգչով և ժամանակակից այլ միջոցներով աշխատելու ունակություն։
Փորձագետի պաշտոնը զբաղեցնելու ժամկետը սահմանվում է մինչև 2025 թվականի դեկտեմբերի 15-ը ներառյալ:
Դիմումների ընդունման վերջին ժամկետն է` 06.10.2025թ.:
Փորձագետների ընտրությունը կատարվում է փաստաթղթային եղանակով:
Աշխատանքի վայրը՝ ք. Երևան, Վազգեն Սարգսյան 3/3, հեռ. 010590145,
էլ. փոստ՝
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում Նախարարության գլխավոր քարտուղարի անունով.
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները.
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
- անձնագրի կամ նույնականացման քարտի պատճենը
- մեկ լուսանկար 3X4 սմ չափսի:
ՀՀ քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով:
Դիմումի ձևը կցվում է: