Հայաստանի Հանրապետության բարձր տեխնոլոգիական արդյունաբերության նախարարություն
Հայաստանի Հանրապետության
Բարձր տեխնոլոգիական արդյունաբերության նախարարություն

ՀՀ ԲՏԱ նախարարի տեղակալ Ռուբեն Սիմոնյանը Բարսելոնայում հանդիպում է ունեցել OpenChip ընկերության ղեկավար կազմի հետ

«Համաշխարհային բջջային կոնգրեսի» (MWC Barcelona) շրջանակներում ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը հանդիպում է ունեցել կիսահաղորդչային տեխնոլոգիաների ոլորտում առաջատար OpenChip ընկերության ղեկավար կազմի հետ՝ ընկերության ռազմավարական դաշինքների փոխնախագահ Թերեզ Ժամայի և ապարատային ճարտարապետության գլխավոր պատասխանատու Վիոլանտե Մոսքիանոյի գլխավորությամբ։

Հանդիպման ընթացքում քննարկվել են Հայաստանի զարգացող տեխնոլոգիական էկոհամակարգում և կիսահաղորդչային տեխնոլոգիաների ոլորտում փոխգործակցության հաստատման հնարավորությունները։

Նախարարի տեղակալը ներկայացրել է Հայաստանի ինժեներական մեծ ներուժը և այն պետական նախաձեռնությունները, որոնք աջակցում են կիսահաղորդչային տեխնոլոգիաների ոլորտում նոր սերնդի մասնագետների պատրաստմանը։ Ռուբեն Սիմոնյանը հատուկ ընդգծել է հայաստանյան համալսարանների և գիտահետազոտական կենտրոնների դերը որպես որակյալ կադրային բազա միջազգային ընկերությունների համար։

OpenChip-ի ներկայացուցիչները հետաքրքրություն են հայտնել այցելելու Հայաստան՝ ծանոթանալու մեր երկրի տեխնոլոգիական ձեռքբերումներին, իրականացվող ծրագրերին և քննարկելու հետագա գործակցության հեռանկարները։

Նմանատիպ գրառումներ

Կիբեռանվտանգության դերը զարգացող տեխնոլոգիական հանգույցներում. Նախարար Մխիթար Հայրապետյանի հոդվածը Forbes-ում

Նախարարի տեղակալ Ռուբեն Սիմոնյանը և «Մայքրոսոֆթ»-ի փոխնախագահ Ֆիլիպ Ռոժեն քննարկել են տեխնոլոգիական գործընկերության ընդլայնման հեռանկարները

Գևորգ Մանթաշյանը մասնակցել է Բուլղարիայի Ազգային տոնին նվիրված պաշտոնական ընդունելությանը