Բարձր տեխնոլոգիական արդյունաբերության նախարարություն
ԲՏԱ նախարար Մխիթար Հայրապետյանը մասնակցել է AmCham-ի նիստին. քննարկվել է ԱԺ ներկայացված «Կիբեռանվտանգության մասին» և հարակից օրենքների նախագծերի փաթեթը
- Հրապարակվել է՝ 28/08/2025
- Թեմաներ
- Կարևոր
- Հայտարարություն
- Մամուլի հաղորդագրություն
- Նորությունների բաժին
- Պաշտոնական
Օգոստոսի 28-ին ՀՀ բարձր տեխնոլոգիական արդյունաբերության նախարար Մխիթար Հայրապետյանը մասնակցել է Ամերիկյան առևտրի պալատի (AmCham) Թվային փոխակերպման կոմիտեի ընդլայնված նիստին:
Նիստին մասնակցում էին նաև ՀՀ ԲՏԱ նախարարի առաջին տեղակալ Գևորգ Մանթաշյանը, Հայաստանի տեղեկատվական համակարգերի գործակալության (ՀՏՀԳ) տնօրեն Ներսես Երիցյանը, AmCham-ի անդամներ, ԱՄՆ դեսպանատան ներկայացուցիչներ։
Ողջունելով նիստի մասնակիցներին՝ նախարար Հայրապետյանը նշել է, որ երկարատև քննարկումներից հետո, ի վերջո, «Կիբեռանվտանգության մասին» օրենքի նախագիծը հավանության է արժանացել Կառավարության կողմից և ներկայացվել ԱԺ քննարկմանը:
Իր խոսքում նախարարը կարևորել է թե´ պետական, թե´ մասնավոր ոլորտներում կիբեռանվտանգ միջավայր ունենալու անհրաժեշտությունը և ջանքերի մեկտեղումը` այդ նպատակին հասնելու համար:
Այնուհետև քննարկվել են օրենքի նախագծի վերաբերյալ AmCham-ի կողմից ներկայացված մեկնաբանություններն ու առաջարկները։
