Բարձր տեխնոլոգիական արդյունաբերության նախարարություն
ԲՏԱ նախարարի առաջին տեղակալն ընդունել է Ղազախստանի Հանրապետության դեսպանին
- Հրապարակվել է՝ 10/11/2025
- Թեմաներ
- Կարևոր
- Հայտարարություն
- Մամուլի հաղորդագրություն
- Նորություն
- Պաշտոնական
Նոյեմբերի 10-ին ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանն ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան, Բարեկամության շքանշանակիր Բոլատ Իմանբաևի գլխավորած պատվիրակությանը։
Նախարարի առաջին տեղակալը բարձր է գնահատել պատվիրակության այցը՝ նշելով, որ այն կարևոր քայլ է երկկողմ գործընկերությունը նոր մակարդակի բարձրացնելու և բարձր տեխնոլոգիաների ոլորտում համագործակցության նոր ուղղություններ ձևավորելու համար։
Հանդիպման ընթացքում կողմերը քննարկել են Հայաստանի և Ղազախստանի միջև համագործակցության հնարավորությունները արդյունաբերության և բարձր տեխնոլոգիաների ոլորտներում։ Անդրադարձ է կատարվել ոլորտային փորձի փոխանակման, համատեղ ծրագրերի իրականացման և տեխնոլոգիական նորարարությունների խթանման հեռանկարներին։
Հանդիպման ավարտին կողմերն ընդգծել են նման ձևաչափով շփումների կարևորությունը՝ երկկողմ հարաբերությունների խորացման և տեխնոլոգիական համագործակցության ամրապնդման տեսանկյունից։
