Промышленности Республики Армения
Հանդիպում Հնդկաստանի ազգային պաշտպանական քոլեջի պատվիրակության հետ. քննարկվել են ոլորտային համագործակցության հնարավորությունները
ՀՀ բարձր տեխնոլոգիական արդյունաբերության նախարարի տեղակալ Գևորգ Մելիքսեթյանը և ՀՀ ԲՏԱՆ ռազմարդյունաբերության կոմիտեի նախագահ Արամ Ջիվանյանը հունիսի 11-ին հանդիպում են ունեցել ճանաչողական այցով Հայաստան ժամանած Հնդկաստանի Հանրապետության ազգային պաշտպանական քոլեջի պատվիրակության հետ՝ գեներալ-մայոր Սամարթ Նագարի գլխավորությամբ։
Հանդիպմանը մասնակցել է նաև Հայաստանի Հանրապետությունում Հնդկաստանի Հանրապետության արտակարգ և լիազոր դեսպան Նիլակշի Սահա Սինհան:
Քննարկվել են ոլորտային համագործակցության հնարավորությունները, ինչպես նաև համատեղ ծրագրերի իրականացման հեռանկարները: Մտքեր են փոխանակվել հետաքրքրություն ներկայացնող մի շարք հարցերի վերաբերյալ:
Ընդունելության շրջանակներում տեղի է ունեցել նաև Հայաստանի ռազմարդյունաբերական ոլորտի արտադրանքի ու մշակումների ցուցադրություն:
