Հայաստանի Հանրապետությունում բարձր տեխնոլոգիաների և հեռահաղորդակցության ոլորտներում այլ երկրների քաղաքացիների կողմից ընկերություններ և կազմակերպություններ գրանցելու, տեղափոխելու, գործունեություն սկսելու և իրականացնելու, սահմանված արտոնություններից օգտվելու վերաբերյալ տեղեկատվություն:
ՀԱՃԱԽ ՏՐՎՈՂ ՀԱՐՑԵՐ
Ինչպե՞ս գրանցել բիզնես Հայաստանում։ Որքա՞ն է տևում գրանցման գործընթացը:
Գրանցման գործընթացն իրականացվում է ՀՀ
արդարադատության նախարարության
իրավաբանական անձանց պետական ռեգիստրի գործակալության
կողմից:
Կայք՝ www.e-register.am
Հասցե՝ Կոմիտասի 49/3, Երևան 0051, Հայաստան,
Էլ. հասցե՝ info@e-register.am
Ինչպես նաև՝ Վազգեն Սարգսյանի 3 հասցեում գործում է
Հանրային ծառայությունների միասնական գրասենյակում,
որտեղ կարելի է դիմել աշխատանքային օրերին
(երկուշաբթիից՝ ուրբաթ), ժամը 09։00-18։00-ը
(ընդմիջում՝ 14.00-15.00) ։
Գրանցման գործընթացի վերաբերյալ առավել մանրամասն
տեղեկություններն
այստեղ:
https://www.moj.am/storage/uploads/001.register_services_2.pdf
https://www.moj.am/am/page/617
Ի՞նչ արտոնություններ են տրամադրվում ԱՏԳ-ն ռեզիդենտ ընկերություններին
ՏՀՏ ոլորտը զարգացնելու նպատակով՝ ՀՀ կառավարության կողմից սահմանված են մի շարք արտոնություններ,
որոնք ամրագրված են ՀՀ օրենսդրությամբ և ՀՀ կառավարության համապատասխան որոշումներով։ Մասնավորապես՝
«Տեղեկատվական տեխնոլոգիաների ոլորտի պետական աջակցության մասին» ՀՀ օրենք, հղումը՝ այստեղ
«Տեղեկատվական տեխնոլոգիաների ոլորտի առևտրային կազմակերպություններին և անհատ ձեռնարկատերերին
պետական աջակցության տրամադրման կարգը հաստատելու մասին» ՀՀ կառավարության 2022 թվականի մարտի
24-ի թիվ 399 – Լ որոշում, հղումը՝ այստեղ։
Ինչպե՞ս գնել կամ վարձակալել բնակարաններ ՀՀ-ում
Անշարժ գույքի գնման կամ վարձակալության վերաբերյալ հարցերի դեպքում կարող եք օգտվել ՀՀ կադաստրի կոմիտեի կայքերից:
Հղում՝
https://cadastre.am
https://www.e-cadastre.am/ru
Անշարժ գույքի վաճառքի և վարձակալության հայտարարությունները կարող եք գտնել հետևյալ կայքերում.
https://www.list.am/ru/
https://www.estate.am/ru
https://www.real-estate.am/ru
https://myrealty.am/ru
https://www.realtors.am/ru
https://banali.am/ru/
Կարո՞ղ են օտարերկրյա քաղաքացիներն առցանց հաշիվներ (online accounts) բացել հայաստանյան բանկերում
Հայաստանի Հանրապետության առևտրային բանկերի մեծ մասն ունեն առցանց բանկային համակարգ և բջջային հավելված,
ինչը հնարավորություն է տալիս արտարժութային հաշիվ բացել իրավաբանական անձանց համար:
ՀՀ առևտրային բանկերի ցանկին կարելի է ծանոթանալ այստեղ։
Տարատեսակ ֆինանսական տեղեկատվություն կարելի է ստանալ նաև հետևյալ կայքերից.
https://www.fininfo.am/
https://abcfinance.am/
Ինչպե՞ս կարող են օտարերկրյա քաղաքացիները ստանալ ՀՀ-ում աշխատելու իրավունք
Ոչ ռեզիդենտներին հայկական ընկերությունում գրանցելու ամենապարզ տարբերակը նրանց հետ ծառայությունների մատուցման համար քաղաքացիական
իրավունքի պայմանագիր կնքելն է։ Աշխատակցի հետ աշխատանքային պայմանագիր կնքելու համար աշխատակիցը պետք է ունենա
ՀՀ-ում բնակության թույլտվություն։
Օտարերկրացիների՝ Հայաստանի Հանրապետություն մուտք գործելու, Հայաստանի Հանրապետության տարածքում գտնվելու և բնակվելու, Հայաստանի Հանրապետության տարածքով
տարանցիկ երթևեկելու, Հայաստանի Հանրապետությունից ելքի, ինչպես նաև օտարերկրացիների հետ կապված այլ հարաբերությունները կարգավորվում են
«Օտարերկրացիների մասին» ՀՀ օրենքով:
Աշխատանքի թույլտվություն ստանալու վերաբերյալ՝ օտարերկրացիների համար գործում է https://workpermit.am/ru/home միասնական էլեկտրոնային հարթակը:
Կայքը օտարերկրացիներին աշխատանքի թույլտվության էլեկտրոնային համակարգ է, որը օտարերկրացի աշխատակից վարձել ցանկացող գործատուին հնարավորություն է տալիս ամբողջությամբ
առցանց ռեժիմով իրականացնել աշխատանքի գրանցումն ու վարձել նախընտրած թեկնածուին՝ փաստաթղթավորելով վերջինիս սահմանված ընթացակարգով:
Օտարերկրացի աշխատողի ներգրավման միասնական էլեկտրոնային հարթակը ստեղծվել և տնօրինվում է Հայաստանի Հանրապետության Տարածքային կառավարման և
ենթակառուցվածքների նախարարության միգրացիոն ծառայության կողմից:
ԵԱՏՄ մասին պայմանագրի համաձայն՝ Եվրասիական տնտեսական միության անդամ–երկրների քաղաքացիները և նրանց ընտանիքի անդամները աշխատանքային
գործունեության ողջ ընթացքում ազատվում են Հայաստանի Հանրապետությունում աշխատանքային գործունեություն իրականացնելու համար աշխատանքի
թույլտվություն ստանալու պահանջից։
Փնտրո՞ւմ եք աշխատանք ՀՀ-ում
ՀՀ բարձր տեխնոլոգիական արդյունաբերության նախարարությունը պատրաստ է օգնել ՀՀ տեղափոխված օտարերկրացիներին աշխատանք գտնելու հարցում: Անհրաժեշտ է ուղարկել ինքնակենսագրականը (CV, Resume) itjobinarmenia@hti.am էլեկտրոնային հասցեին՝ նամակում պարտադիր նշելով՝ ինչ աշխատանք եք փնտրում (ոլորտ, մասնագիտություն):