Կապի եվրոպական գագաթնաժողովը, «Ապահովելով հասանելիություն բոլորին` Եվրոպա և տարածաշրջան» խորագրի ներքո, տեղի կունենա 2023թ. հունիսի 6֊7֊ը՝ Երևանում։ Գագաթնաժողովի նպատակն է համախմբել մասնագետներին և շահագրգիռ կառույցներին ամբողջ աշխարհում, այդ թվում՝ Հայաստանում, գտնելու լուծումներ հեռավոր համայնքներում ինտերնետ հասանելիություն ապահովելու հնարավորությունների ստեղծման համար: Միջոցառումն ունի երեք հիմնական ուղղություն՝ Համայնքային ցանցերի հետ կապված տեխնիկական խնդիրները, մարտահրավերներն ու հնարավորությունները, Լրացուցիչ ինտերնետ հասանելիության և ցանցային լուծումների համար քաղաքականության մշակումը և նորարարական ֆինանսավորման մեխանիզմի ստեղծումը, Ուսուցման և վերապատրաստման հնարավորություններ՝ դժվար հասանելի վայրերում լրացուցիչ ցանցեր տեղակայելու համար։ Մանրամասները ներկայացված են միջոցառման նախնական օրակարգում` https://bit.ly/3pNtA1a։ «Կապի եվրոպական գագաթնաժողով»-ին մասնակցելու համար անհրաժեշտ է նախապես գրանցվել` https://bit.ly/41KDVs2։ Չնայած տեխնոլոգիաների գերարագ զարգացմանը` [...]

ՀՀ բարձր տեխնոլոգիական արդյունաբերության նախարարությունը «Սատլանտիս» ընկերության հետ համագործակցությամբ մայիսի 23-ին Հայաստանի ազգային ագրարային համալսարանում կազմակերպել էր աշխատաժողով՝ գյուղատնտեսության և շրջակա միջավայրի բնագավառներում տիեզերալուսանկարների կիրառման ուղղությունների վերաբերյալ։ Աշխատաժողովին մասնակցել են նախարարության, «Սատլանտիս» ընկերության պատասխանատուներ, ոլորտի մասնագետներ, Հայաստանի ագրարային համալսարանի դասախոսներ և ուսանողներ։ Ներկաներին ողջունել և աշխատաժողովին արդյունավետ ընթացք է մաղթել ՀՀ ԲՏԱ նախարարի տեղակալ Ավետ Պողոսյանը։ Նախարարի տեղակալը փաստել է, որ մեկ տարվա թեստավորման աշխատանքներից հետո հայկական արբանյակը 100 տոկոսով աշխատում է։ «Մի քանի շաբաթ է՝ շահագործման է հանձնվել Կառավարման կենտրոնը։ Մեր մասնագետները պատրաստ են ընդունել արբանյակի կառավարումը։ Առաջիկա ամիսներին՝ և իրավաբանորեն և՛ տեխնիկապես արբանյակի կառավարումն արդեն կանցնի հայկական կողմին»,- [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը ՀՀ նախագահ Վահագն Խաչատուրյանի գլխավորած պատվիրակության կազմում մայիսի 22- 26-ը մասնակցում է Կատարի տնտեսական համաժողովին։ Համաժողովը նվիրված է համաշխարհային տնտեսության առջև ծառացած հրատապ մարտահրավերներին, ինչպես նաև դժվար տնտեսական պայմաններում համաշխարհային աճի համար նոր ճանապարհային քարտեզի մշակմանը: «Համաշխարհային աճի նոր պատմությունը» խորագիրը կրող Կատարի երրորդ տնտեսական համաժողովն անցկացվում է Կատարի էմիրի բարձր հովանու ներքո: Համաժողովին մասնակցում են պետությունների ու կառավարությունների, միջազգային կազմակերպությունների, գործարար համայնքի ներկայացուցիչներ ու անվանի մտավորականներ։ Այցի շրջանակներում նախարար Ռոբերտ Խաչատրյանը ճանաչողական հանդիպում է ունեցել Սերբիայի տեղեկատվության և հեռահաղորդակցության նախարար Միխայլո Յովանովիչի հետ։ Հանդիպման ընթացքում քննարկվել են Հայաստանի և Սերբիայի միջև ոլորտային մի [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը մայիսի 22-ին ընդունել է Հայաստանի Հանրապետությունում Իսրայելի Պետության արտակարգ և լիազոր դեսպան Ջոել Լիոնին։ Հանդիպմանը մասնակցել է նաև Հայաստանում Իսրայելի պատվավոր հյուպատոս Աշոտ Շախմուրադյանը։ Կողմերը ողջունել են միմյանց, անդրադարձել Հայաստանի և Իսրայելի միջև բարձր տեխնոլոգիաների ոլորտում համագործակցության հնարավորություններին։ Դեսպան Ջոել Լիոնը խոսել է Իսրայելի տեխնոլոգիական բնագավառի պետական համակարգի կառուցվածքի ու գործունեության մասին, հետաքրքրվել նախարարության առաջնահերթություններով և գերակա ուղղություններով։ Ռոբերտ Խաչատրյանը դեսպանին է ներկայացրել նախարարության գործունեության շրջանակները, իրականացվող ծրագրերը, ստարտափ էկոհամակարգի զարգացման, տեխնոլոգիական կրթության ուղղությամբ իրականացվող աշխատանքները։ Նախարարն անդրադարձել է նաև «Ինժեներական քաղաք» ծրագրին, դրանում իսրայելական ընկերությունների ներգրավման հնարավորություններին։ Հաշվի առնելով Հայաստանի տնտեսության, գիտության [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը մասնակցել է Skill ընկերության նախաձեռնությամբ մեկնարկած «Երևան Թեք Ֆորում 2023» (Yerevan Tech Forum 2K23) բիզնես միջոցառմանը: Այս տարի Ֆորումն անցկացվում է «Թվային փոխակերպում. Առաջխաղացման ռազմավարություններ» խորագրի ներքո: Ողջունելով ֆորումի կազմակերպիչներին և մասնակիցներին՝ Ռոբերտ Խաչատրյանը բացման ելույթում խոսել է արդի աշխարհում տեխնոլոգիաների վրա հիմնված թվային տնտեսության զարգացման կարևորության մասին և շեշտել, որ պետական կառավարման բոլոր ոլորտներում գիտելիքի և տեխնոլոգիաների հիման վրա բարձրորակ, մատչելի, հասանելի ու հուսալի ծառայությունների ապահովումը ՀՀ կառավարության առաջնահերթություններից է:Նախարարի խոսքով՝ Հայաստանի 2021-2025թթ. թվայնացման ռազմավարության ընդունումն այդ ուղղությամբ իրականացված կարևորագույն ձեռքբերումներից է. «Ինչպես գիտենք, մեր օրերում առավել քան կարևորվում է տեխնոլոգիաների վրա [...]

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը մասնակցել է Ուզբեկստանի Սամարղանդ քաղաքում մայիսի 16-18-ը կայացած Վերակառուցման և Զարգացման Եվրոպական Բանկի (ՎԶԵԲ) կառավարիչների խորհրդի տարեկան հանդիպմանը և գործարար համաժողովին: Մայիսի 17-ին տեղի ունեցած գործարար համաժողովում հայկական պատվիրակությունը «Հայաստանի տեխնոլոգիական առաջընթացը. ներդնելով ի նպաստ խելացի, կանաչ և կայուն ապագայի» խորագրի ներքո, ներկայացրել է Հայաստանի ներդրումային գրավչության բարելավման ուղղությամբ իրականացվող քայլերը, գործարար միջավայրը, գիտելիքահեն, ներառական տնտեսության ձևավորման, արտահանման խթանման նպատակով պետության կողմից իրականացվող ծրագրերը: Հայկական պատվիրակության կազմում էին ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը, Հայաստանում ՎԶԵԲ-ի ներկայացուցչության ղեկավար Ջորջ Ախալկացին, Երևանի քաղաքապետի տեղակալ Տիգրան Ավինյանը, ՀՀ էկոնոմիկայի նախարարի [...]

ՀՀ բարձր տեխնոլոգիական արդյունաբերության նախարարությունը «Մասնագետների պատրաստման ԲՈՒՀ-մասնավոր հատված համագործակցություն» ծրագրի շրջանակներում հայտարարում է 2023 թվականի դասընթացի իրականացման դրամաշնորհային մրցույթի մասին: Ծրագրի շրջանակներում նախատեսվում է վերապատրաստման դասընթացներ իրականացնել՝ շուկայում առկա մասնագետների պահանջարկի հիման վրա: Ծրագրի ավարտից հետո դասընթացների մասնակիցներին առաջարկվելու է նվազագույնը 6-ամսյա աշխատանքային պայմանագիր բարձր տեխնոլոգիական ոլորտի կազմակերպություններում: Դրամաշնորհային մրցույթին մասնակցելու համար կարող են դիմել մրցույթի պահանջներին համապատասխանող իրավաբանական անձի կարգավիճակ ունեցող ՀՀ ոլորտային ուսումնական հաստատությունները, կենտրոնները, տեխնոպարկերը և այն կազմակերպությունները, որոնք իրականացնում են տեխնոլոգիական ոլորտին առնչվող կրթական գործունեություն: Մրցույթի ընդհանուր բյուջեն կազմում է 280,000,000 (երկու հարյուր ութսուն միլիոն) ՀՀ դրամ: Հայտերն ընդունվում են մինչև 13.06.2023թ.՝ ժամը 10:00: Մրցույթի մանրամասները [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը և նախարարի առաջին տեղակալ Գևորգ Մանթաշյանը մայիսի 11-ին առցանց ձևաչափով հանդիպում են ունեցել ԱՄՆ հայ համայնքի ներկայացուցիչների՝ «Deloitte Transactions & Business Analytics» ընկերության գործադիր տնօրեն Բագրատ Բայբուրթյանի, «FINRA» ընկերության փոխնախագահ Տիգրան Խրիմյանի և «Meduni UMSI» ընկերության գործադիր տնօրեն Վահագն Մարտիրոսյանի հետ: Հանդիպման ընթացքում զրուցակիցները քննարկել են Ամերիկայի հայ համայնքի հետ համագործակցության հնարավորությունը՝ Հայաստանի տեխնոլոգիական էկոհամակարգի զարգացման նպատակով: Իր խոսքում նախարար Ռոբերտ Խաչատրյանը ներկայացրել է Հայաստանի տեխնոլոգիական ոլորտի զարգացման հիմնական ուղղությունները, ՀՀ բարձր տեխնոլոգիական արդյունաբերության նախարարության կողմից իրականացվող ծրագրերը՝ շեշտելով, որ նախարարությունը պատրաստ է լսել սփյուռքահայ գործընկերների առաջարկներն ու կարծիքները թեմայի վերաբերյալ: Քննարկման մասնակիցները [...]

ՀՀ բարձր տեխնոլոգիական արդյունաբերության նախարարությունը 2023 թվականի «Գաղափարից մինչև բիզնես» դրամաշնորհային ծրագրի շրջանակներում հայտարարում է «Գաղափարի փուլ» բաղադրիչով դրամաշնորհային մրցույթի  մեկնարկի մասին: Ծրագրի շրջանակում նախատեսվում է դրամաշնորհների տեսքով ֆինանսավորում տրամադրել գաղափարի փուլում գտնվող սկսնակ ընկերություններին, որոնց կողմից ներկայացվող արտադրանքի և (կամ) ծառայության գաղափարը միտված է բարձր տեխնոլոգիաների ոլորտում նոր արժեքի ստեղծմանը և (կամ) տեխնոլոգիաների կիրառմամբ արդի խնդիրների և մարտահրավերների լուծմանը: Դրամաշնորհային ծրագրի ընդհանուր բյուջեն կազմում է 150,000,000 (հարյուր հիսուն միլիոն) ՀՀ դրամ:  Նախատեսվում է մրցույթը հաղթահարած յուրաքանչյուր ընկերությանը տրամադրել մինչև 5,000,000 (հինգ միլիոն) ՀՀ դրամ: Մրցույթի վերաբերյալ բոլոր մանրամասները՝ անցկացման կարգը, հայտ կազմելու և ներկայացնելու պայմանները ներկայացված են նախարարության պաշտոնական կայքում՝ հետևյալ հղումով:

ՀՀ բարձր տեխնոլոգիական արդյունաբերության նախարարությունը 2023 թվականի «Գաղափարից մինչև բիզնես» դրամաշնորհային ծրագրի շրջանակներում հայտարարում է «Մուտք դեպի շուկա» բաղադրիչով դրամաշնորհային մրցույթի մեկնարկի մասին: Ծրագրի շրջանակում նախատեսվում է դրամաշնորհների տեսքով ֆինանսավորում տրամադրել պրոդուկտի փուլում գտնվող սկսնակ ընկերություններին, որոնց կողմից ներկայացվող արտադրանքի և (կամ) ծառայության գաղափարը միտված է բարձր տեխնոլոգիաների ոլորտում նոր արժեքի ստեղծմանը և (կամ) տեխնոլոգիաների կիրառմամբ արդի խնդիրների և մարտահրավերների լուծմանը: Դրամաշնորհային ծրագրի ընդհանուր բյուջեն կազմում է 200,000,000 (երկու հարյուր միլիոն) ՀՀ դրամ: Նախատեսվում է մրցույթը հաղթահարած յուրաքանչյուր ընկերությանը տրամադրել մինչև 10,000,000 (տասը միլիոն) ՀՀ դրամ: Մրցույթի վերաբերյալ բոլոր մանրամասները՝ անցկացման կարգը, հայտ կազմելու և ներկայացնելու պայմանները ներկայացված են նախարարության պաշտոնական [...]