ՀՀ բարձր տեխնոլոգիական արդյունաբերության նախարարությունը՝ ի դեմս նախարար Ռոբերտ Խաչատրյանի և Հայաստանի գիտության և տեխնոլոգիաների հիմնադրամը (FAST)՝ ի դեմս հիմնադիր տնօրեն Արմեն Օրուջյանի, նոյեմբերի 20-ին համագործակցության հուշագիր են ստորագրել Հայաստանում արհեստական բանականության կրթության խթանման նպատակով։ Հուշագրի շրջանակներում կողմերը կհամագործակցեն «Արհեստական բանականության սերունդ» ծրագրի արդյունավետ իրականացման շրջանակում։ Նախարար Ռոբերտ Խաչատրյանը ընդգծել  է, որ նախարարությունը  կարևորում է արհեստական բանականության զարգացումը Հայաստանում, նշել, որ ծրագրի իրականացումը հնարավորություն է տալիս դպրոցական տարիքից ծանոթանալ և կիրառական պատկերացումներ ձևավորել արհեստական բանականության վերաբերյալ: «Արհեստական բանականությունը հզոր գործիք է, որը կարող է ստեղծել և՛ բարիք, և՛ չարիք: Եթե դպրոցից սկսենք ճիշտ ուղղորդել աշակերտներին՝ արհեստական բանականության կիրառմամբ դրական արդյունքներ [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 13-16-ն աշխատանքային այցով եղել է Արաբական Միացյալ Էմիրություններում, մասնակցել «Դուբայ ավիաշոու 2023» 18-րդ ցուցահանդեսին, ունեցել մի շարք հանդիպումներ: Ռոբերտ Խաչատրյանը «Դուբայ ավիաշոու 2023» միջոցառման շրջանակներում շրջել է ցուցահանդեսի թեմատիկ ցուցասրահներով, ծանոթացել ավիատիեզերական և ավիացիոն արդյունաբերության վերջին տեխնոլոգիաներին ու նորարարություններին, մասնակից ընկերությունների կողմից նորարար, ժամանակակից ինքնաթիռների ցուցադրություններին, այցելել մի շարք երկրների, այդ թվում՝  Հնդկաստանի, Ֆրանսիայի, Իսպանիայի, ԱՄԷ-ի ազգային տաղավարներ, հանդիպումներ ու քննարկումներ է ունեցել միջազգային և ազգային կազմակերպությունների  ներկայացուցիչների հետ: Այցի շրջանակում նոյեմբերի 14-ին ՀՀ բարձր տեխնոլոգիական արդյունաբերության նախարար Ռոբերտ Խաչատրյանը և ՀՀ պաշտպանության նախարար Սուրեն Պապիկյանը հանդիպել են ԱՄԷ պաշտպանության պետնախարար Մոհամմադ [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 18-ին մասնակցել է «ՏՏ ոլորտի ապագան․ պետություն-մասնավոր երկխոսություն» խորագրով կլոր-սեղան քննարկմանը, որը վերաբերում էր  «Բարձր տեխնոլոգիաների ոլորտի պետական աջակցության մասին» օրենքի նախագծին և հարակից օրենքների նախագծերին։ Միջոցառմանը մասնակցում էին նաև ՀՀ ԲՏԱ  նախարարի տեղակալ Դավիթ Սահակյանը, ՀՀ Էկոնոմիկայի նախարարի տեղակալ Ռաֆայել Գևորգյանը, «Էնթերփրայզ Արմենիա» հիմնադրամի գլխավոր տնօրեն Լևոն Օհանեսյանը, Ֆինանսների նախարարության,  Պետական եկամուտների կոմիտեի պաշտոնյաներ, ՏՏ առաջատար ընկերությունների և փորձագիտական հանրույթի ներկայացուցիչներ։ Նախարարը ողջունել է միջոցառման մասնակիցներին, խոսել ՏՏ ոլորտի նոր օրենսդրության շուրջ պետություն-մասնավոր երկխոսության կարևորության մասին։ Նախարարի տեղակալ Դավիթ Սահակյանը ներկայացրել է «Բարձր տեխնոլոգիաների ոլորտի պետական աջակցության մասին» օրենքի նախագծի առանցքային [...]

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը նոյեմբերի 14-15-ին առցանց ձևաչափով մասնակցել է «ԵՄ-ն՝ թվայնացման համար» (EU4Digital) նախաձեռնության ամենամյա միջոցառմանը՝ Արևելյան գործընկերության թվային համաժողովին և «ԵՄ-ն՝ թվայնացման համար» նախաձեռնության ղեկավար կոմիտեի նիստին: Արևելյան գործընկերության թվային համաժողովի «Ենթակառուցվածքից նորարարություն. հայացք թվային միակցվածությանը Արևելյան գործընկերության տարածաշրջանում» խորագրով պանելային քննարկման ընթացքում նախարարի առաջին տեղակալը ներկայացրել է ՀՀ կառավարության կողմից ձեռնարկվող քայլերը թվային ենթակառուցվածքների զարգացման ուղղությամբ: Գևորգ Մանթաշյանը նշել է, որ ՀՀ կառավարությունը հաղթահարում է թվային խոչընդոտները՝ մասնագետների որակավորումը բարձրացնելու և մարդկային կապիտալի զարգացումը խթանելու միջոցով: Այդ համատեքստում, նա ներկայացրել է Նախարարության կողմից իրականացվող ծրագրերն` ուղղված տեխնոլոգիական կրթությանը, թվային հմտությունների, կարողությունների զարգացմանն [...]

Երևանի պատմության թանգարանում նոյեմբերի 15-ին մարվել և շրջանառության մեջ է դրվել մեկ նամականիշով գեղաթերթիկ՝ նվիրված «Հայկական կինոյի հիմնադրման 100-ամյակ» թեմային: Մեկ նամականիշով գեղաթերթիկի մարումն իրականացրել են ՀՀ բարձր տեխնոլոգիական արդյունաբերության նախարարության կապի և փոստի վարչության փոստի բաժնի պետ Ծովինար Գալստյանը, «ՀայՓոստ» ընկերության գլխավոր գործադիր տնօրեն Արայիկ Աբրահամյանը, Հայաստանի կինոգործիչների միության նախագահ Հարություն Խաչատրյանը, Ֆիլատելիստների հայկական ասոցիացիայի նախագահ Հովիկ Մուսայելյանը, Ֆիլատելիստների հայկական ասոցիացիայի փոխնախագահ Հայկ Դեմոյանը: Գեղաթերթիկն ունի յուրահատուկ ձևաչափ. այն թափանցիկ է և պատրաստված է կինոժապավենի տեսքով, իսկ հետևի մասն ինքնասոսնձվող է: Գեղաթերթիկի նամականիշի վրա պատկերված է «Հայֆիլմ» կինոստուդիայի լոգոտիպը, գեղաթերթիկի ձախ հատվածում՝ կինոխցիկը և «100-ԱՄՅԱԿ» և «ՀԱՅԿԱԿԱՆ ԿԻՆՈ» գրառումները՝ [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը ԱՄԷ պաշտպանության պետնախարար Մոհամմադ Ահմադ ալ Բովարդիի հրավերով նոյեմբերի 13-16-ը մասնակցում է Արաբական Միացյալ Էմիրություններում տեղի ունեցող «Դուբայ ավիաշոու 2023» 18-րդ ցուցահանդեսին:  Այցի շրջանակում Ռոբերտ Խաչատրյանը հանդիպում է ունեցել  Արաբական Միացյալ Էմիրությունների պաշտպանության պետնախարար Մոհամմադ Ահմադ ալ Բովարդիի հետ:  Հանդիպման ընթացքում քննարկվել են Հայաստանի և Արաբական Միացյալ Էմիրությունների միջև ռազմատեխնիկական համագործակցության ներկա ընթացքն ու զարգացման հեռանկարները։  Կողմերն ընդգծել են ձեռք բերված պայմանավորվածությունները կյանքի կոչելու, երկկողմ համագործակցության շարունակականությունն ապահովելու կարևորությունը: Հանդիպմանը մասնակցել է նաև ՀՀ պաշտպանության նախարար Սուրեն Պապիկյանը։

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 10-ին ընդունել է Մալդիվների շրջակա միջավայրի, կլիմայի փոփոխության և տեխնոլոգիայի պետնախարար Մուհամեդ Շարիֆին, ով նախագահում էր Երևանում  անցկացվող ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի (UN ESCAP) Ասիա-խաղաղօվկիանոսյան տեղեկատվական գերարագընթաց կապուղու (APIS) համակարգող կոմիտեի 7-րդ նիստը։ Ռոբերտ Խաչատրյանը ողջունել է հյուրին, ներկայացրել նախարարության գործունեության ուղղություններն ու իրականացվող ծրագրերը, հույս հայտնել, որ առաջիկայում երկու երկրների միջև արդյունավետ համագործակցություն կձևավորվի։ Մուհամեդ Շարիֆը շնորհակալություն է հայտնել ընդունելության համար, իր հերթին ներկայացրել Մալդիվների տնտեսության առանձնահատկությունները, իրենց նախարարության գործունեության շրջանակները: Պետնախարարը նշել է, որ առաջին անգամ է Հայաստանում և տպավորված է երկրի պատմությամբ և ժողովրդով: [...]

ՀՀ բարձր տեխնոլոգիական արդյունաբերության նախարարությունը հայտարարում է 2024 թ. փետրվարի 26-29-ը Իսպանիայի Թագավորության Բարսելոնա քաղաքում կայանալիք «Համաշխարհային բջջային կոնգրես 2024 (Mobile World Congress Barcelona)» միջազգային ցուցահանդեսի մասնակցության հայտերի ընդունման մասին: Ցուցահանդեսին ՀՀ բարձր տեխնոլոգիական արդյունաբերության նախարարությունը մասնակցելու է «ARMENIA» միասնական տաղավարով՝ ներկայացնելով հայկական ոլորտային ընկերություններին: Նախարարությունը հոգում է տաղավարի վարձակալության, կառուցապատման, ինչպես նաև ցուցահանդեսի մուտքի ապահովման ծախսերը։ Մասնակցության հայտն անհրաժեշտ է լրացնել մինչև 2023թ․ դեկտեմբերի 6-ը՝ հետևյալ հղումով։  Ցուցահանդեսը համաշխարհային մակարդակով ոլորտային արդյունաբերության ամենահեղինակավոր և առանցքային միջոցառումներից է, որտեղ հավաքվում են կապի էկոհամակարգի ամենաճանաչված ու որոշիչ դեր ունեցող համաշխարհային բջջային կապի օպերատորներ, տեխնոլոգիական ոլորտի առաջատար ներկայացուցիչներ: «Համաշխարհային բջջային կոնգրես 2024»-ի թեմաներն [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 8-ին այցելել է «ՍոֆթԿոնստրակտ» տեխնոլոգիական ընկերություն։ Նախարարն ընկերության համահիմնադիր Վիգեն Բադալյանի ուղեկցությամբ շրջայց է կատարել ընկերության մասնաշենքում, այդ թվում նաև այցելել է  Fastbank-ի, Ucraft-ի, Hoory-ի, Creedrooms-ի, Fast Media-ի գրասենյակներ, ծանոթացել իրականացվող աշխատանքներին, բիզնես գործունեությանը, քննարկել նորարարական տեխնոլոգիական լուծումների ստեղծմանը և դրանց ՏՏ անվտանգությանը վերաբերող հարցեր։ Շրջայցից հետո շնորհանդեսի ձևաչափով նախարարին է ներկայացվել «ՍոֆթԿոնստրակտ» ընկերության ընդհանուր հայեցակարգը, նշվել է, որ ընկերության 50-ից ավելի պրոդուկտները մշտապես զարգանում են նորագույն տեխնոլոգիական լուծումներով: Ընկերության տեխնիկական գծով ղեկավար Վահագն Մկրտչյանը ներկայացրել է ՏՏ անվտանգության զարգացման միտումները, կիբեռանվտանգության ոլորտում ընկերությունների կողմից ձեռնարկվող քայլերը։ Քննարկվել են կիբեռգրոհների հիմնական թիրախները [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 8-ին ընդունել է ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի (UN ESCAP) Տեղեկատվական և հաղորդակցության տեխնոլոգիաների (ՏՀՏ) և աղետների ռիսկի նվազեցման բաժնի տնօրեն Տիցիանա Բոնապաչեին: Հանդիպման ընթացքում զրուցակիցները քննարկել են նոյեմբերի 8-9-ը Երևանում անցկացվող ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի Ասիա-խաղաղօվկիանոսյան տեղեկատվական գերարագընթաց կապուղու համակարգող կոմիտեի 7-րդ նիստի ընթացքն ու ակնկալվող արդյունքները: Նախարարը շնորհակալություն է հայտնել Տիցիանա Բոնապաչեին Կոմիտեի նիստի կազմակերպմանն ուղղված ջանքերի համար՝ ընդգծելով միջազգային նման մակարդակի միջոցառումների կարևորությունը Հայաստանի համար: Ռոբերտ Խաչատրյանը ներկայացրել է ՀՀ բարձր տեխնոլոգիական արդյունաբերության նախարարության գործունեության հիմնական ուղղությունները, անդրադարձել է Հայաստանում [...]