ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 13-16-ն աշխատանքային այցով եղել է Արաբական Միացյալ Էմիրություններում, մասնակցել «Դուբայ ավիաշոու 2023» 18-րդ ցուցահանդեսին, ունեցել մի շարք հանդիպումներ: Ռոբերտ Խաչատրյանը «Դուբայ ավիաշոու 2023» միջոցառման շրջանակներում շրջել է ցուցահանդեսի թեմատիկ ցուցասրահներով, ծանոթացել ավիատիեզերական և ավիացիոն արդյունաբերության վերջին տեխնոլոգիաներին ու նորարարություններին, մասնակից ընկերությունների կողմից նորարար, ժամանակակից ինքնաթիռների ցուցադրություններին, այցելել մի շարք երկրների, այդ թվում՝  Հնդկաստանի, Ֆրանսիայի, Իսպանիայի, ԱՄԷ-ի ազգային տաղավարներ, հանդիպումներ ու քննարկումներ է ունեցել միջազգային և ազգային կազմակերպությունների  ներկայացուցիչների հետ: Այցի շրջանակում նոյեմբերի 14-ին ՀՀ բարձր տեխնոլոգիական արդյունաբերության նախարար Ռոբերտ Խաչատրյանը և ՀՀ պաշտպանության նախարար Սուրեն Պապիկյանը հանդիպել են ԱՄԷ պաշտպանության պետնախարար Մոհամմադ [...]

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը նոյեմբերի 14-15-ին առցանց ձևաչափով մասնակցել է «ԵՄ-ն՝ թվայնացման համար» (EU4Digital) նախաձեռնության ամենամյա միջոցառմանը՝ Արևելյան գործընկերության թվային համաժողովին և «ԵՄ-ն՝ թվայնացման համար» նախաձեռնության ղեկավար կոմիտեի նիստին: Արևելյան գործընկերության թվային համաժողովի «Ենթակառուցվածքից նորարարություն. հայացք թվային միակցվածությանը Արևելյան գործընկերության տարածաշրջանում» խորագրով պանելային քննարկման ընթացքում նախարարի առաջին տեղակալը ներկայացրել է ՀՀ կառավարության կողմից ձեռնարկվող քայլերը թվային ենթակառուցվածքների զարգացման ուղղությամբ: Գևորգ Մանթաշյանը նշել է, որ ՀՀ կառավարությունը հաղթահարում է թվային խոչընդոտները՝ մասնագետների որակավորումը բարձրացնելու և մարդկային կապիտալի զարգացումը խթանելու միջոցով: Այդ համատեքստում, նա ներկայացրել է Նախարարության կողմից իրականացվող ծրագրերն` ուղղված տեխնոլոգիական կրթությանը, թվային հմտությունների, կարողությունների զարգացմանն [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 10-ին ընդունել է Մալդիվների շրջակա միջավայրի, կլիմայի փոփոխության և տեխնոլոգիայի պետնախարար Մուհամեդ Շարիֆին, ով նախագահում էր Երևանում  անցկացվող ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի (UN ESCAP) Ասիա-խաղաղօվկիանոսյան տեղեկատվական գերարագընթաց կապուղու (APIS) համակարգող կոմիտեի 7-րդ նիստը։ Ռոբերտ Խաչատրյանը ողջունել է հյուրին, ներկայացրել նախարարության գործունեության ուղղություններն ու իրականացվող ծրագրերը, հույս հայտնել, որ առաջիկայում երկու երկրների միջև արդյունավետ համագործակցություն կձևավորվի։ Մուհամեդ Շարիֆը շնորհակալություն է հայտնել ընդունելության համար, իր հերթին ներկայացրել Մալդիվների տնտեսության առանձնահատկությունները, իրենց նախարարության գործունեության շրջանակները: Պետնախարարը նշել է, որ առաջին անգամ է Հայաստանում և տպավորված է երկրի պատմությամբ և ժողովրդով: [...]

ՀՀ բարձր տեխնոլոգիական արդյունաբերության նախարարությունը հայտարարում է 2024 թ. փետրվարի 26-29-ը Իսպանիայի Թագավորության Բարսելոնա քաղաքում կայանալիք «Համաշխարհային բջջային կոնգրես 2024 (Mobile World Congress Barcelona)» միջազգային ցուցահանդեսի մասնակցության հայտերի ընդունման մասին: Ցուցահանդեսին ՀՀ բարձր տեխնոլոգիական արդյունաբերության նախարարությունը մասնակցելու է «ARMENIA» միասնական տաղավարով՝ ներկայացնելով հայկական ոլորտային ընկերություններին: Նախարարությունը հոգում է տաղավարի վարձակալության, կառուցապատման, ինչպես նաև ցուցահանդեսի մուտքի ապահովման ծախսերը։ Մասնակցության հայտն անհրաժեշտ է լրացնել մինչև 2023թ․ դեկտեմբերի 6-ը՝ հետևյալ հղումով։  Ցուցահանդեսը համաշխարհային մակարդակով ոլորտային արդյունաբերության ամենահեղինակավոր և առանցքային միջոցառումներից է, որտեղ հավաքվում են կապի էկոհամակարգի ամենաճանաչված ու որոշիչ դեր ունեցող համաշխարհային բջջային կապի օպերատորներ, տեխնոլոգիական ոլորտի առաջատար ներկայացուցիչներ: «Համաշխարհային բջջային կոնգրես 2024»-ի թեմաներն [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 8-ին այցելել է «ՍոֆթԿոնստրակտ» տեխնոլոգիական ընկերություն։ Նախարարն ընկերության համահիմնադիր Վիգեն Բադալյանի ուղեկցությամբ շրջայց է կատարել ընկերության մասնաշենքում, այդ թվում նաև այցելել է  Fastbank-ի, Ucraft-ի, Hoory-ի, Creedrooms-ի, Fast Media-ի գրասենյակներ, ծանոթացել իրականացվող աշխատանքներին, բիզնես գործունեությանը, քննարկել նորարարական տեխնոլոգիական լուծումների ստեղծմանը և դրանց ՏՏ անվտանգությանը վերաբերող հարցեր։ Շրջայցից հետո շնորհանդեսի ձևաչափով նախարարին է ներկայացվել «ՍոֆթԿոնստրակտ» ընկերության ընդհանուր հայեցակարգը, նշվել է, որ ընկերության 50-ից ավելի պրոդուկտները մշտապես զարգանում են նորագույն տեխնոլոգիական լուծումներով: Ընկերության տեխնիկական գծով ղեկավար Վահագն Մկրտչյանը ներկայացրել է ՏՏ անվտանգության զարգացման միտումները, կիբեռանվտանգության ոլորտում ընկերությունների կողմից ձեռնարկվող քայլերը։ Քննարկվել են կիբեռգրոհների հիմնական թիրախները [...]

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը նոյեմբերի 8-ին ընդունել է ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի (UN ESCAP) Տեղեկատվական և հաղորդակցության տեխնոլոգիաների (ՏՀՏ) և աղետների ռիսկի նվազեցման բաժնի տնօրեն Տիցիանա Բոնապաչեին: Հանդիպման ընթացքում զրուցակիցները քննարկել են նոյեմբերի 8-9-ը Երևանում անցկացվող ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի Ասիա-խաղաղօվկիանոսյան տեղեկատվական գերարագընթաց կապուղու համակարգող կոմիտեի 7-րդ նիստի ընթացքն ու ակնկալվող արդյունքները: Նախարարը շնորհակալություն է հայտնել Տիցիանա Բոնապաչեին Կոմիտեի նիստի կազմակերպմանն ուղղված ջանքերի համար՝ ընդգծելով միջազգային նման մակարդակի միջոցառումների կարևորությունը Հայաստանի համար: Ռոբերտ Խաչատրյանը ներկայացրել է ՀՀ բարձր տեխնոլոգիական արդյունաբերության նախարարության գործունեության հիմնական ուղղությունները, անդրադարձել է Հայաստանում [...]

Հայկական բարեգործական ընդհանուր միությունում նոյեմբերի 8-ին մարվել և շրջանառության մեջ է դրվել մեկ նամականիշով գեղաթերթիկ՝ նվիրված «Սպորտ. «Արարատ-73»-ի հաղթանակի 50-ամյակ» թեմային: Նամականիշի մարումն իրականացրել են ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանը, «ՀայՓոստ» ընկերության գլխավոր գործադիր տնօրեն Արայիկ Աբրահամյանը, Ֆիլատելիստների հայկական ասոցիացիայի նախագահ Հովիկ Մուսայելյանը, Արարատ-73-ի ֆուտբոլիստներ Սերգեյ Բոնդարենկոն, Սերգեյ Պողոսյանը և Նորայր Մեսրոպյանը: Միջոցառման շրջանակում ներկայացվել է «Արարատ 73»-ի մասին պատմող կարճ տեսանյութ, ֆիլատելիստական եզակի նմուշներ և Մելիք Բաղդասարյանի հեղինակային թեմատիկ լուսանկարները։ Խորհրդային տարիներին հայկական ֆուտբոլի մասին իրենց հիշողություններով կիսվել են Հովիկ Մուսայելյանը, Սերգեյ Բոնդարենկոն, ֆուտբոլային մեկնաբան Սուրեն Բաղդասարյանը։ 380 ՀՀ դրամ անվանական արժեքով գեղաթերթիկի նամականիշի վրա պատկերված [...]

Նոյեմբերի 8-ին Երևանում մեկնարկել են ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի (UN ESCAP) Ասիա-խաղաղօվկիանոսյան տեղեկատվական գերարագընթաց կապուղու (APIS) համակարգող կոմիտեի 7-րդ նիստի աշխատանքները: Նիստի մեկնարկին ողջույնի խոսքով հանդես է եկել ՀՀ բարձր տեխնոլոգիական արդյունաբերության նախարար Ռոբերտ Խաչատրյանը՝ կարևորելով թվային կապին, թվային փոխակերպմանը և թվային տնտեսությանն առնչվող հարցերի քննարկումը: «Մենք կարևորում ենք միջազգային և տարածաշրջանային համագործակցության դերը՝ հաղթահարելու ամենօրյա մարտահրավերներն արագ զարգացող և փոփոխվող աշխարհում: Շատ ոլորտներում մենք առերեսվում ենք միևնույն խնդիրներին, ինչը շարունակական երկխոսության անհրաժեշտություն է առաջացնում՝ ընդհանուր լուծումներ գտնելու նպատակով: Այս համատեքստում, ՄԱԿ-ի տարբեր գործակալությունների, ինչպես նաև՝ Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի հետ [...]

Նոյեմբերի 7-ին մեկնարկել է «Smart Botanic՝ Խելացի լուծումներ բուսաբանական այգում» հաքաթոնը։ ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանը ողջունել է ներկաներին, կարևորել է նման միջոցառումների անցկացումը, նշել, որ այն շատ լավ գործիք է ոլորտի խնդիրները բացահայտելու, դրանց համար լուծումներ գտնելու, ինչպես նաև Հայաստանում կորպորատիվ աքսելերատորների զարգացման համար։ Նախարարի տեղակալը հույս է հայտնել, որ միջոցառման արդյունքում կլինեն հետաքրքիր տեխնոլոգիական լուծումներ և առաջարկել, որպեսզի հաքաթոնում ներգրավված ստարտափները մասնակցեն նախարարության կողմից իրականացվող «Գաղափարից մինչև բիզնես» դրամաշնորհային ծրագրին։ Ներկաներին ողջունել են նաև IoT SIG նախագահ Վահան Հովսեփյանը, Բուսաբանության ինստիտուտի տնօրեն Արսեն Գասպարյանը, «ISOC Հայաստան Հատված» ՀԿ նախագահ Իգոր Մկրտումյանը, «SmartCity» ՀԿ նախագահ Կարեն [...]

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը հոկտեմբերի  26-ին մասնակցել է Թբիլիսիում կայացած «Մետաքսի ճանապարհ» համաժողովին: Այս տարի «Մետաքսի ճանապարհ» ֆորումի առաջնային նպատակն էր խթանել համագործակցությունը տարածաշրջանում և դրա սահմաններից դուրս՝ փոխկապակցվածության բարձրացման հեռանկարով: Նախարարի տեղակալ Գևորգ Մանթաշյանը համաժողովի շրջանակում կազմակերպված «Համաշխարհային աճի համար իմաստալից կապի հնարավորություն» թեմայով պանելային քննարկմանը ներկայացրել է այս ուղղությամբ նախարարության ռազմավարական ուղղությունները, խոսել ինտերնետի հասանելիության, թվային ենթակառուցվածքների ապահովման կարևորության, թվային հասարակության, արհեստական բանակության թեմաների շուրջ, ինչպես նաև անդրադարձել է «Խաղաղության խաչմերուկ» նախագծի կարևորությանը: Համաժողովի շրջանակում համագործակցության նոր հորիզոններ բացահայտելու նպատակով քննարկվել են նաև հարցերի լայն շրջանակ, ինչպիսիք են՝ Միջին միջանցքի դերի իմաստավորում, Արևելք-Արևմուտք [...]