ՀՀ բարձր տեխնոլոգիական արդյունաբերության նախարարությունը սկսում է «Մասնագետների պատրաստման ԲՈՒՀ-մասնավոր հատված համագործակցություն» 2022 ծրագրով տեխնոլոգիական 5 ուղղություններով դասընթացներին մասնակցության հայտերի ընդունման գործընթացը:

Հայտարարված մրցույթների ամփոփման արդյունքներով ընտրվել են դասընթացների կազմակերպման և անցկացման համար լավագույն ծրագիրը ներկայացրած կրթական հաստատությունները:

Դասընթացներն իրականացվելու են համաֆինանսավորմամբ:

Պետությունը կֆինանսավորի դասընթացի արժեքի մի մասը՝ հիմք ընդունելով մասնակցի ավարտական քննության միավորը (Երևանում դասընթացի արժեքի 30%-70%-ը, ՀՀ մարզերում և ԱՀ-ում դասընթացի արժեքի 40%-80%-ը):

Արցախյան պատերազմների մասնակիցների համար, ովքեր կհաղթահարեն ընդունելության փուլը, դասընթացները կլինեն անվճար:

Ծրագրի շրջանակներում նախատեսվում է Հայաստանի ողջ տարածքում իրականացնել ոլորտի 900 միջին և բարձր մակարդակի մասնագետների ուսուցման և վերապատրաստման դասընթացներ:

Մասնակիցները ուսումնառության ընթացքում հնարավորություն կունենան գործնական պրակտիկա անցնել ԲՏ ոլորտի առաջատար կազմակերպություններում՝ կիրառելով ստացած գիտելիքներն ու հմտությունները:

Մասնակցության պայմաններին ծանոթացեք և հայտերը լրացրեք այստեղ: