Նպատակ

ԲՈՒՀ-երի և տեխնոլոգական ոլորտի ընկերությունների հետ մշակել և համատեղ իրականացնել կրթական/վերապատրաստման նոր և հաջողված ծրագրեր:

Նկարագիր

ՀՀ բարձր տեխնոլոգիական արդյունաբերության նախարարության «Մասնագետների պատրաստման ԲՈՒՀ-մասնավոր հատված համագործակցություն» ծրագիրը մեկնարկել է 2020 թվականի ապրիլից:

2022 թվականի ծրագրով նախատեսում է Հայաստանի տարածքում իրականացնել ոլորտի շուրջ 900 միջին և բարձր մակարդակի մասնագետների ուսուցման և վերապատրաստման համար նախատեսված լսարանային դասընթացներ՝ ընդգրկելով մայրաքաղաք Երևանը, ՀՀ մարզերը և Արցախի Հանրապետությունը: Նշյալ մասնագետներն ուսումնառության ընթացքում հնարավորություն կունենան նաև գործնական պրակտիկա անցնել ԲՏ ոլորտի առաջատար կազմակերպություններում՝ կիրառելով դասընթացի ժամանակ ստացած գիտելիքներն ու հմտությունները:

Թիրախ խումբ

2022 թվականի համար առանձնացված թիրախային խմբերն են՝

• ԲՏ ոլորտում աշխատող մասնագետներ,
• Արցախյան պատերազմների մասնակիցներ (ընդունելության կարգն անցած բոլոր մասնակիցների համար բոլոր բաղադրիչների դասընթացները կլինեն անվճար),
• Ցանկացած անձ, ով կտիրապետի ծրագրի մասնակցության համար անհրաժեշտ մասնագիտական գիտելիքներին:
• Հայտադիմումները լրացրեք և հաստատեք ըստ դասընթացների և ուղղությունների՝ edu.hti.am կայքում:

Լրացուցիչ տեղեկություններ

• 2020 թվականին ծրագիրն իրականացվել է 19 ուղղություններով՝ 11 կազմակերպութոյւնների կողմից: Ծրագրի դիմորդների թիվը կազմել է՝ 15360: Դասընթացներն ավարտել է 5225 շրջանավարտ, որոնցից՝ Երևանից 2434, մարզերից և Արցախից՝ 2791 մասնակից:
• 2021 թվականի ծրագիրն իրականացվել է 16 ուղղություններով՝ 8 կազմակերպությունների կողմից: Ծրագրի դիմորդների թիվը կազմել է 7026: Դասընթացներն ավարտել է 2896 շրջանավարտ, որոնցից՝ Երևանից 1480, մարզերից և Արցախից՝ 1416 մասնակից: Ծրագրին ներգրավված են եղել Արցախյան պատերազմների 421 մասնակիցներ:
• 2022 թվականին ծրագիրն իրականացվում է 5 ուղղություններով՝ 7 կազմակերպությունների կողմից։

Կոնտակտային տվյալներ

• Կայք՝ edu.hti.am
• Հեռ․՝ +374 10 590319
• Էլ. հասցե՝ eduprojects@hti.am